Bihar Exit Polls 2025: പ്രശാന്ത് കിഷോറിന്റെ ബിഹാർ അരങ്ങേറ്റം പരാജയപ്പെടുമോ? JSPക്ക് ന്യൂസ് 18 മെഗാ എക്‌സിറ്റ് പോളുകളും മറ്റുള്ളവരും പ്രവചിക്കുന്നത് എന്ത്?

Published by:Rajesh V
news18-malayalam

Last Updated:November 11, 2025 8:22 PM IST

ന്യൂസ് 18 മെഗാ എക്‌സിറ്റ് പോൾ എൻഡിഎയ്ക്ക് 140-150 സീറ്റുകളും മഹാസഖ്യത്തിന് 85-95 സീറ്റുകളും പ്രവചിക്കുന്നു

ബിഹാർ തിരഞ്ഞെടുപ്പിലെ ഗെയിം ചെയിഞ്ചർ‌ എന്ന് വിശേഷിപ്പിച്ചിരുന്ന പ്രശാന്ത് കിഷോറിന്റെ‌ ജൻ സുരാജ് പാർട്ടിക്ക് (JSP) 0 മുതൽ 5 വരെ സീറ്റുകൾ മാത്രമേ ലഭിക്കാൻ സാധ്യതയുള്ളൂ എന്ന് ന്യൂസ് 18 മെഗാ എക്‌സിറ്റ് പോൾ പ്രവചിക്കുന്നു. ബിഹാർ തിരഞ്ഞെടുപ്പ് പ്രധാനമായും രണ്ട് പ്രധാന മുന്നണികൾ തമ്മിലുള്ള പോരാട്ടമായാണ് കാണുന്നത് . എന്നിരുന്നാലും, ജെഎസ്പി ഈ കണക്കുകളിൽ സ്വാധീനം ചെലുത്തുമെന്നാണ് പ്രതീക്ഷിച്ചിരുന്നത്. നവംബർ 6-ന് 121 സീറ്റുകളിലും നവംബർ 11-ന് 122 സീറ്റുകളിലുമായാണ് ബിഹാറിൽ‌ വോട്ടെടുപ്പ് നടന്നത്. ഫലം നവംബർ 14ന് പ്രഖ്യാപിക്കും.

ന്യൂസ് 18 മെഗാ എക്‌സിറ്റ് പോൾ പ്രകാരം, എൻഡിഎയ്ക്ക് 140-150 സീറ്റുകളും മഹാസഖ്യത്തിന് 85-95 സീറ്റുകളും ലഭിക്കാനാണ് സാധ്യത. മറ്റ് ഏജൻസികളുടെ പ്രവചനങ്ങൾ അനുസരിച്ച്: മാട്രിസ് 0-2 സീറ്റുകളും, പീപ്പിൾസ് ഇൻസൈറ്റ് 0-2 സീറ്റുകളും, ചാണക്യ 0 സീറ്റും, പീപ്പിൾസ് പൾസ് 0-5 സീറ്റുകളും, ജെവിസി പോൾ 0-1 സീറ്റും, ദൈനിക് ഭാസ്‌കർ 0 സീറ്റും, പിഎംഎആർക്യു 1-4 സീറ്റുകളും ജെഎസ്പിക്ക് പ്രവചിക്കുന്നു.

#News18MegaExitPoll | NDA holds a clear edge — but the INDIA alliance shows noticeable gains. What do the numbers say?

@AnchorAnandN decodes | #BiharElection2025 pic.twitter.com/quYW1ztEns

— News18 (@CNNnews18) November 11, 2025

ഇതും വായിക്കുക: Bihar Election 2025 Exit Polls LIVE: ബിഹാറില്‍ എക്സിറ്റ് പോൾ ഫലങ്ങളിലെല്ലാം NDAയ്ക്ക് ഭരണത്തുടര്‍ച്ച; മഹാസഖ്യം പിന്നിൽ‌; 'കിഷോർ തന്ത്രം' പാളും

പ്രശാന്ത് കിഷോർ പ്രവചിച്ചത്

ബിഹാർ തിരഞ്ഞെടുപ്പിൽ തന്റെ പാർട്ടിക്ക് ഒന്നുകിൽ 10 സീറ്റുകളോ അല്ലെങ്കിൽ 150ൽ അധികം സീറ്റുകളോ നേടാൻ കഴിയുമെന്ന് കിഷോർ നേരത്തെ പറഞ്ഞിരുന്നു.

2014-ൽ ഭാരതീയ ജനതാ പാർട്ടിയുടെ (ബിജെപി) പ്രചാരണങ്ങളെ സഹായിച്ചതിന് പുറമെ തൃണമൂൽ കോൺഗ്രസ് (ടിഎംസി), ദ്രാവിഡ മുന്നേറ്റ കഴകം (ഡിഎംകെ), കോൺഗ്രസ് തുടങ്ങിയ പാർട്ടികൾക്കുവേണ്ടിയും പ്രവർത്തിച്ച പ്രമുഖ തിരഞ്ഞെടുപ്പ് തന്ത്രജ്ഞനായിരുന്നു കിഷോർ. ജനതാദൾ (യുണൈറ്റഡ്), രാഷ്ട്രീയ ജനതാദൾ (ആർജെഡി), ബിജെപി എന്നിവയുടെ ആധിപത്യമുള്ള ബിഹാറിലെ പരമ്പരാഗത രാഷ്ട്രീയ ക്രമത്തിന് ഒരു ബദലായിട്ടാണ് അദ്ദേഹം ജൻ സുരാജിനെ അവതരിപ്പിച്ചത്. തന്റെ പാർട്ടിയുടെ തിരഞ്ഞെടുപ്പിലേക്കുള്ള പ്രവേശനം വരാനിരിക്കുന്ന തിരഞ്ഞെടുപ്പിൽ ഒരു ത്രികോണ മത്സരത്തിന് വഴിയൊരുക്കുമെന്നും, ജനങ്ങൾ എൻഡിഎയ്ക്കും മഹാസഖ്യത്തിനും ഒരു ബദലാണ് തേടുന്നതെന്നും കിഷോർ പറഞ്ഞിരുന്നു.

പ്രചാരണത്തിലുടനീളം, അദ്ദേഹം ബിഹാറിലെ പ്രവാസികളോട് തൊഴിലിനും വിദ്യാഭ്യാസത്തിനും വേണ്ടി വോട്ട് ചെയ്യാൻ അഭ്യർത്ഥിച്ചിരുന്നു.

ഒരു സീറ്റിലും മത്സരിക്കാതിരുന്ന കിഷോർ, ന്യൂസ് 18-ന് നൽകിയ അഭിമുഖത്തിൽ ഇങ്ങനെ പറഞ്ഞു: "ഞാൻ രാജാവല്ല. ഞാൻ രാജാവിനെ ഉണ്ടാക്കുന്ന ആളാണ് (കിംഗ്‌മേക്കർ)... ബിഹാറിലെ ജാതി രാഷ്ട്രീയത്തിന്റെ യാഥാർത്ഥ്യം അംഗീകരിക്കാൻ ഞാൻ ആഗ്രഹിക്കുന്നില്ലെന്ന് പറയുന്നത് തെറ്റാണ്. ഞാൻ അത് അംഗീകരിക്കുന്നു, പക്ഷെ ജാതിയുടെ കണ്ണിലൂടെ മാത്രം സംസ്ഥാനത്തെ കാണാൻ ഞാൻ ആഗ്രഹിക്കുന്നില്ല. 1984ലെ കലാപത്തിന് ശേഷം ജനങ്ങൾ കോൺഗ്രസിന് വോട്ട് ചെയ്തപ്പോഴും, പുൽവാമയുടെ അടിസ്ഥാനത്തിൽ മോദി അധികാരത്തിൽ വന്നപ്പോഴും, ജാതി ഒരു ഘടകമായിരുന്നു. ആളുകൾ വിഷയങ്ങളുടെയും വികാരങ്ങളുടെയും അടിസ്ഥാനത്തിലാണ് വോട്ട് ചെയ്തത്."

2022-ൽ ആരംഭിച്ച കിഷോറിന്റെ ജൻ സുരാജ് പ്രസ്ഥാനം, താഴേത്തട്ടിലുള്ളവരുടെ പങ്കാളിത്തത്തിലൂടെ ബിഹാറിലെ 'ഭരണത്തെ പുനർ വിഭാവനം ചെയ്യാൻ' ലക്ഷ്യമിട്ടുള്ള ഒരു സംസ്ഥാന വ്യാപക ജനസമ്പർക്ക പ്രചാരണമായിട്ടാണ് തുടങ്ങിയത്. കഴിഞ്ഞ രണ്ട് വർഷത്തിനിടയിൽ, ഈ പ്രസ്ഥാനം ഒരു രാഷ്ട്രീയ വേദിയിലേക്ക് രൂപാന്തരപ്പെട്ടു. ഗ്രാമതല യോഗങ്ങൾ, പദയാത്രകൾ, ജില്ലകളിലുടനീളമുള്ള കൂടിയാലോചനകൾ എന്നിവ നടന്നിരുന്നു.

ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ