ദേശീയപാതാ വികസനം: കര്‍ഷകരുടെ ഭൂമിക്ക് വിപണി മൂല്യത്തിന്റെ രണ്ട് മുതല്‍ നാലിരട്ടി വരെ വില നല്‍കുന്നുണ്ടെന്ന് മന്ത്രി നിതിന്‍ ഗഡ്കരി

ദേശീയപാതാ വികസനുമായി ബന്ധപ്പെട്ട് ഏറ്റെടുക്കുന്ന കര്‍ഷകരുടെ ഭൂമിക്ക് വിപണി മൂല്യത്തിന്റെ രണ്ട് മുതല്‍ നാലിരട്ടി വരെ വില സര്‍ക്കാര്‍ നല്‍കുന്നുണ്ടെന്ന് കേന്ദ്ര ഗതാഗത വകുപ്പുമന്ത്രി നിതിന്‍ ഗഡ്കരി. നഷ്ടപരിഹാരം ഉയര്‍ത്തണമെന്നാവശ്യപ്പെട്ട് ഭൂമി വിട്ടുനല്‍കാന്‍ കര്‍ഷകര്‍ മടി കാണിക്കുന്നതാല്‍ ചില പ്രധാന ദേശീയ പാത പദ്ധതികള്‍ക്കായുള്ള ഭൂമി ഏറ്റെടുക്കല്‍ തടസ്സം നേരിടുന്നുണ്ടെന്ന് അദ്ദേഹം പറഞ്ഞു. ലുധിയാനയില്‍ നിന്നുള്ള രാജ്യസഭാ എംപി സഞ്ജീവ് അറോറയുടെ ചോദ്യത്തിന് മറുപടി നല്‍കുകയായിരുന്നു നിതിന്‍ ഗഡ്കരി. ലുധിയാന ഉള്‍പ്പടെയുള്ള സ്ഥലങ്ങളില്‍ ദേശീയപാതാ വികസനം വൈകുന്നത് ചൂണ്ടിക്കാണിച്ചുകൊണ്ടുള്ള ചോദ്യത്തിനായിരുന്നു മറുപടി.