‘എല്ലാവരും ദൈവത്തിന്റെ സന്തതികൾ’; അയോധ്യയിലെ രാമക്ഷേത്ര നിർമാണ ഫണ്ടിലേക്ക് ഒരു ലക്ഷം രൂപ സംഭാവന ചെയ്ത് മുസ്ലിം വ്യാപാരി

തമിഴ്നാട്ടിൽ നിന്ന് നിരവധി പേരാണ് ഉത്തർ പ്രദേശിൽ നിർമിക്കുന്ന ക്ഷേത്രത്തിലേക്ക് സംഭാവന ചെയ്യുന്നത്. ചെറുകിട വ്യാപാരികൾ മുതൽ ചെരുപ്പു കുത്തികൾ വരെ ഈ ഉദ്യമത്തിന്റെ ഭാഗമാകാൻ മുന്നിട്ടു വരുന്നുണ്ട്.

ശ്രീരാമ ജന്മഭൂമി തീർത്ത ക്ഷേത്ര ട്രസ്റ്റിന്റെ ആഭിമുഖ്യത്തിൽ അയോധ്യയിൽ രാമക്ഷേത്രം നിർമിക്കാ൯ നടന്നു കൊണ്ടിരിക്കുന്ന പിരിവിൽ 10, 100, 1000 രൂപയുടെ കൂപ്പണുകളാണ് സാധാരണക്കാർക്കായി വിതരണം ചെയ്യുന്നത്. എന്നാൽ, പിരിവിനായി ഹിന്ദു സംഘടനാ അംഗങ്ങൾ തന്നെ സമീപിച്ചപ്പോൾ ഡബ്യൂ എസ് ഹബീബ് എന്ന റിയൽ എസ്റ്റേറ്റ് ബിസിനസുകാരൻ 1,00,008 രൂപയുടെ ചെക്ക് നൽകി അവരെ അമ്പരപ്പിക്കുകയായിരുന്നു.

സംസ്ഥാനത്ത് രാമക്ഷേത്ര നിർമ്മാണ പിരിവ് നടത്തുന്ന ഹിന്ദു മുന്നണി ഫണ്ട് സമാഹരണത്തിന്റെ ഭാഗമായി റോഡ് ഷോകളും നടത്തുന്നുണ്ട്. തങ്ങൾ സമീപിച്ചവരെല്ലാം താൽപര്യത്തോടെയാണ് സംഭാവന ചെയ്യുന്നതെന്ന് മുന്നണിയുടെ ചെന്നൈ ഘടകം പ്രസിഡന്റ് ആയ എ.ടി ഇളങ്കോവൻ പറയുന്നു. രാമഭക്തരുടെ ഭാഗത്ത് നിന്ന് വമ്പിച്ച പ്രതികരണമാണ് ലഭിച്ചു കൊണ്ടിരിക്കുന്നത്. ആൾക്കൂട്ടത്തിനിടക്ക് നിന്ന് ഒരാൾ വന്ന് 50,000 രൂപയുടെ ചെക്ക് തന്ന് പോയ അനുഭവം വിശദീകരിക്കുന്നു ഇളങ്കോവൻ.

ആർ എസ് എസിന്റെ ഭാഗമായ ധർമ്മ ജാഗരൺ മഞ്ചിന്റെ ചെന്നൈയിലെ ഓർഗനൈസർ ആയ കെ ഇ ശ്രീനിവാസൻ

പറയുന്നത് സമൂഹത്തിലെ പണക്കാർ മാത്രമല്ല പാവപ്പെട്ടവരും സംഭാവന നൽകുന്നുണ്ടെന്നാണ്. പേരൻപൂരിലെ ചെരുപ്പുകുത്തികൾ പത്തു രൂപ നൽകിയെന്ന് അദ്ദേഹം പറയുന്നു. മുസ്ലിമായ ഒരു കുങ്കുമപ്പൂ കച്ചവടക്കാരൻ 200 രൂപ നൽകിയത് അദ്ദേഹം പ്രത്യേകം സ്മരിച്ചു.