'ബീഹാറും ബീഡിയും 'ബി'യില്‍ തുടങ്ങുന്നു'; ബൂമറാംഗായി കേരളത്തിലെ കോണ്‍ഗ്രസിൻ്റെ ജിഎസ്ടി പോസ്റ്റ്, പിന്നാലെ പിന്‍വലിച്ചു

ബീഹാറിനെയും ബീഡിയെയും തമ്മില്‍ താരതമ്യം ചെയ്ത് കോണ്‍ഗ്രസ് പാര്‍ട്ടിയുടെ കേരളാ ഘടകം പങ്കുവെച്ച പോസ്റ്റ് വിവാദമായതിനെ തുടര്‍ന്ന് പിന്‍വലിച്ചു. ബീഡിയ്ക്കുള്ള നിര്‍ദ്ദിഷ്ട ജിഎസ്ടി നിരക്ക് മാറ്റങ്ങളെ വിമര്‍ശിച്ചുകൊണ്ടുള്ള സോഷ്യല്‍ മീഡിയ പോസ്റ്റും അവര്‍ പിന്‍വലിച്ചു. ''ബീഡിയും ബീഹാറും ബിയിലാണ് തുടങ്ങുന്നത്. ഇനി പാപമായി കണക്കാക്കാന്‍ കഴിയില്ല'' എന്നായിരുന്നു കോണ്‍ഗ്രസ് പങ്കുവെച്ച പോസ്റ്റ്. പുകയിലെ ഉത്പന്നങ്ങളുടെ നിലവിലുള്ളതും നിര്‍ദ്ദിഷ്ട ജിഎസ്ടി നിരക്കുകളും വ്യക്തമാക്കുന്ന ഒരു പട്ടികയും അവര്‍ പങ്കുവെച്ചിരുന്നു.