ഒരു കോടി രൂപ; പെൻഷൻ‌ : പുൽവാമ രക്തസാക്ഷികളുടെ കുടുംബത്തിന് സിആർപിഎഫിന്റെ സഹായം

ന്യൂഡൽഹി : പുൽവാമയിൽ വീരമൃത്യു വരിച്ച സൈനികരുടെ കുടുംബത്തിന് ഒരുകോടി രൂപ വീതം നൽകിയതായി സിആർപിഎഫ്. കേന്ദ്രസർക്കാരിന്റെ 35 ലക്ഷം, കേന്ദ്രക്ഷേമഫണ്ടിൽ നിന്ന് 21.50 ലക്ഷം, ഭാരത് കീ വീർ ഫണ്ടിൽ നിന്ന് 15 ലക്ഷം, എസ്ബിഐയുടെ അർദ്ധസൈന്യ പാക്കേജിൽ നിന്ന് 30 ലക്ഷം എന്നിവ ഉൾപ്പെട്ടാണ് ഈ ഒരുകോടി രൂപ. ജവാൻമാരുടെ ജന്മദേശം ഉൾപ്പെട്ട സംസ്ഥാനങ്ങൾ കുടുംബാംഗങ്ങൾക്ക് ധനസഹായം പ്രഖ്യാപിച്ചിരുന്നു. ഇതിന് പുറമെയാണ് സിആർപിഎഫിന്റെ ഈ സഹായം.