ധരോഹർ ഭാരത് കി, പുണൃതാൻ കി കഹാനി: ഇന്ത്യയുടെ പുനരുജ്ജീനത്തിൽ പ്രധാനമന്ത്രി മോദിയുടെ പങ്ക് വെളിവാക്കുന്ന ഡോക്യുമെന്‍ററിയുടെ ട്രെയിലർ ജിയോ സിനിമയിൽ

“നമ്മുടെ സൈനികർ നമ്മുടെ മാതൃരാജ്യത്തിന്റെ ഓരോ ഇഞ്ചും സംരക്ഷിക്കുന്നതിനായി അവരുടെ ജീവിതം മുഴുവൻ സമർപ്പിക്കുന്നു. അവരുടെ ത്യാഗം വെറും വാക്കുകളിൽ അളക്കാനാവില്ല; ഭാവിതലമുറയെ പ്രചോദിപ്പിക്കുന്നതാണ് അതിന്‍റെ മഹത്വം”- ഡോക്യുമെന്‍ററിയിൽ പ്രധാനമന്തി നരേന്ദ്ര മോദി പറയുന്നു.

നമ്മുടെ സാംസ്‌കാരിക ഐക്യത്തിന്റെ ഈ പുനരുജ്ജീവനത്തിനായി കഴിഞ്ഞ കുറച്ച് വർഷങ്ങളായി ഇന്ത്യ കൈവരിച്ച വലിയ മുന്നേറ്റങ്ങളെ ഡോക്യുമെന്ററി അടയാളപ്പെടുത്തുന്നു. ജാലിയൻ വാലാബാഗ് പോലെയുള്ള നമ്മുടെ ആദരണീയമായ ദേശസ്നേഹ സ്ഥലങ്ങളുടെ സുരക്ഷയും പവിത്രതയും ഉറപ്പാക്കുന്നു; രാമജന്മഭൂമി, കാശി വിശ്വനാഥ് ധാം തുടങ്ങിയ നമ്മുടെ നാഗരിക കേന്ദ്രങ്ങളെ പുനരുജ്ജീവിപ്പിക്കുക; സോമനാഥ് ധാം, കേദാർനാഥ് ധാം; കരാത്പൂർ സാഹിബ് പോലുള്ള ആത്മീയ സ്ഥലങ്ങളെ വരച്ചുകാട്ടുന്നു. സെല്ലുലാർ ജയിൽ പോലുള്ള പ്രചോദനാത്മക സൈറ്റുകളിൽ നമ്മുടെ സ്വാതന്ത്ര്യ സമര സേനാനികളുടെ ജീവിതം എങ്ങനെയെന്ന് കാട്ടിത്തരുന്നു. ഇന്ത്യാ ഗേറ്റിലെ മഹത്തായ നേതാജി പ്രതിമയിലൂടെ നേതാജി ബോസിന്റെ സംഭാവനകൾ വിവരിക്കുന്നു. യുദ്ധസ്മാരകം പോലുള്ള നമ്മുടെ ദേശസ്നേഹികളുടെ ഐതിഹാസിക സംഭാവനകളെ ആദരിക്കുന്നു. അങ്ങനെ പഴയതും വർത്തമാനവും കൂട്ടിയിണക്കുന്നതാണ് ഈ ഡോക്യുമെന്‍ററി.

“പുരാതൻ, മഹാൻ പരംപരാവോൻ കേ പ്രതി ആകർഷൻ” അഥവാ നമ്മുടെ പുരാതനവും മഹത്തായതും സമാനതകളില്ലാത്തതുമായ പൈതൃകത്തോടുള്ള താൽപ്പര്യം – സമൂഹത്തിലെ എല്ലാ വിഭാഗങ്ങളുടെയും ചരിത്രപരമായ പങ്കാളിത്തത്തോടെ രാജ്യവ്യാപകമായ ഒരു പ്രതിഭാസമായി മാറിയിരിക്കുന്നു. “ഭാരതത്തിന്റെ നവോത്ഥാനം” എന്ന ഡോക്യുമെന്ററി ഈ ആശയത്തിന്റെ പ്രതിഫലനമാണ്. നമ്മുടെ അഭിമാനം, പ്രത്യേകിച്ചും കഴിഞ്ഞ കുറച്ച് വർഷങ്ങളായി, നമ്മുടെ അഭിമാനബോധം നമ്മെ പുനരുജ്ജീവിപ്പിച്ചെങ്കിലും, നമ്മുടെ സ്വാതന്ത്ര്യ സമര സേനാനികളുടെ ത്യാഗത്തിന്റെയും അവരുടെ ആദരണീയ സ്മരണയുടെയും പ്രാധാന്യം പൂർണ്ണമായി മനസ്സിലാക്കേണ്ടത് ഇന്നത്തെ യുവജനങ്ങൾക്ക് അത്യന്താപേക്ഷിതമാണെന്ന് പ്രധാനമന്ത്രി പറയുന്നു.

അതുപോലെ, സബർമതി ആശ്രമത്തിന്‍റെ പവിത്രത, ഐക്യ പ്രതിമ, പഞ്ചതീർഥം തുടങ്ങിയ പുതിയ സ്മാരകങ്ങളുടെയും പ്രതിമകളുടെയും നിർമ്മാണത്തിന് പിന്നിലെ കാരണം എന്നിവയെല്ലാം ഈ ഡോക്യുമെന്‍ററിയിൽ പൂർണ്ണമായി മനസ്സിലാക്കാൻ കഴിയും. രണ്ട് ഭാഗങ്ങളുള്ള ഡോക്യുമെന്ററി, ഇന്ത്യയുടെ വിശാലവും ഊർജ്ജസ്വലവുമായ സംസ്കാരത്തിന്റെ, പുനരുജ്ജീവനമാണ് വരച്ചുകാട്ടുന്നത്. നമ്മുടെ സമ്പന്നവും വൈവിധ്യപൂർണ്ണവുമായ പാരമ്പര്യത്തെ ഈ ഡോക്യുമെന്‍ററി ആഘോഷിക്കുന്നു.