കോൺഗ്രസിന്റെ സീറ്റ് പിടിച്ചെടുക്കാൻ യൂസഫ് പത്താൻ; തൃണമൂൽ കോണ്‍ഗ്രസ് സ്ഥാനാർത്ഥിയായി മുൻ ക്രിക്കറ്റ് താരം

കൊല്‍ക്കത്ത: വരാനിരിക്കുന്ന ലോക്സഭ തിരഞ്ഞെടുപ്പിൽ തൃണമൂല്‍ കോൺഗ്രസിന്റെ സ്ഥാനാർത്ഥിയായി മുൻ ഇന്ത്യൻ ക്രിക്കറ്റ് താരം യൂസഫ് പത്താൻ. ബംഗാളിലെ ബഹറാംപൂർ മണ്ഡലത്തിൽനിന്നാണ് യൂസഫ് പത്താൻ മത്സരിക്കുന്നത്. കോൺഗ്രസ് നേതാവ് അധീർ രഞ്ജൻ ചൗധരിയുടെ സിറ്റിങ് സീറ്റാണ് ഇത്. ഇവിടെ നിന്ന് അഞ്ച് തവണ ജയിച്ച് ലോക്സഭയിലെത്തിയ അധീർ രഞ്ജൻ ചൗധരി തന്നെയായിരിക്കും ഇത്തവണയും മത്സരിക്കുന്നതെന്ന് റിപ്പോര്‍ട്ട് ഉണ്ട്. ഞായറാഴ്ച യൂസഫ് പത്താൻ തൃണമൂൽ കോൺഗ്രസിൽ അംഗത്വമെടുത്തു.