വോട്ടര്‍ ഐഡി ആധാറുമായി ബന്ധിപ്പിക്കാനുള്ള സമയപരിധി കേന്ദ്ര സർക്കാർ നീട്ടി

Published by:Rajesh V
news18-malayalam

Last Updated:Mar 22, 2023 1:33 PM IST

2024 മാർച്ച് 31 വരെയാണ് പുതിയ സമയം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ന്യൂഡല്‍ഹി: വോട്ടര്‍ ഐഡി ആധാറുമായി ബന്ധിപ്പിക്കുന്നതിനുള്ള സമയപരിധി നീട്ടി കേന്ദ്ര സര്‍ക്കാര്‍ വിജ്ഞാപനം പുറപ്പെടുവിച്ചു. ഒരു വര്‍ഷത്തേക്കാണ് സമയം നീട്ടിയത്. വോട്ടര്‍ ഐഡി ആധാറുമായി ബന്ധിപ്പിക്കുന്നതിനുള്ള സമയം ഈ വരുന്ന ഏപ്രില്‍ ഒന്നിന് അവസാനിക്കാനിരിക്കെയാണ് പുതിയ വിജ്ഞാപനം. 2024 മാർച്ച് 31 വരെയാണ് പുതിയ സമയം.

തിരഞ്ഞെടുപ്പ് കാലത്ത് പോലും, വോട്ടർ ഐഡിയുമായി ആധാർ നമ്പറുകൾ ബന്ധിപ്പിക്കുന്നതിന് ആളുകളെ പ്രേരിപ്പിക്കുന്നതിന്റെ പ്രധാന ലക്ഷ്യം ഇലക്‌ട്രേറ്റർമാരുടെ ഐഡന്റിറ്റി ഉറപ്പാക്കുകയും വോട്ടർ പട്ടികയിലെ എൻട്രികൾ ആധികാരികമാക്കുകയും ചെയ്യുന്നതിനാണെന്ന് തിരഞ്ഞെടുപ്പ് കമ്മീഷൻ വ്യക്തമാക്കിയിരുന്നു.

Also Read- പാന്‍ കാര്‍ഡ് ആധാറുമായി ബന്ധിപ്പിച്ചില്ലേ? മാര്‍ച്ച് 31ന് മുൻപ് ലിങ്ക് ചെയ്യാത്തവ പ്രവർത്തനരഹിതമാകും; ചെയ്യേണ്ടതെന്ത്?

അതനുസരിച്ച്, “ഒരേ വ്യക്തി ഒന്നിലധികം നിയോജക മണ്ഡലങ്ങളിൽ രജിസ്റ്റർ ചെയ്തിട്ടുണ്ടെങ്കിൽ, അല്ലെങ്കിൽ ഒരേ നിയോജകമണ്ഡലത്തിൽ ഒന്നിലധികം തവണ രജിസ്റ്റർ ചെയ്തിട്ടുണ്ടെങ്കിൽ” തിരിച്ചറിയാനാകുമെന്ന് കമ്മീഷൻ വ്യക്തമാക്കിയിരുന്നു.

നിങ്ങളുടെ ആധാർ വോട്ടർ ഐഡിയുമായി ബന്ധിപ്പിക്കുന്നതിന്, വോട്ടർ ഹെൽപ്പ് ലൈൻ ആപ്പ്, വോട്ടർ ഐഡി അല്ലെങ്കിൽ ഇപിഐസി നമ്പർ, ആധാർ നമ്പർ എന്നിവ ആവശ്യമാണ്. കൂടുതൽ വിവരങ്ങൾക്ക് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) ഔദ്യോഗിക വെബ്സൈറ്റ് പരിശോധിക്കാം.