നഗരപ്രദേശങ്ങൾക്കായുള്ള മഴക്കാല-പ്രതിരോധ ടോയ്‌ലറ്റുകളിലെ മലിനജലം ഫലപ്രദമായി കൈകാര്യം ചെയ്യാം

നഗരപ്രദേശങ്ങളിൽ മലിനജല പരിപാലനം സാധാരണയായി അഴുക്കുചാലുകൾ, പൈപ്പുകൾ, പമ്പുകൾ, ട്രീറ്റ്മെന്റ് പ്ലാന്റുകൾ എന്നിവയെ ആശ്രയിക്കുന്ന കേന്ദ്രീകൃത സംവിധാനങ്ങളിലൂടെയാണ് നടത്തുന്നത്. എന്നിരുന്നാലും, ഈ സംവിധാനങ്ങൾ ഇന്ത്യയുടെ പല ഭാഗങ്ങളിലും, പ്രത്യേകിച്ച് നഗരങ്ങളിലെ ദരിദ്രരിൽ ഭൂരിഭാഗവും താമസിക്കുന്ന ചേരികളിലും അനൗപചാരിക വാസസ്ഥലങ്ങളിലും പലപ്പോഴും അപര്യാപ്തമോ അമിതഭാരമോ അല്ലെങ്കിൽ നിലവിലില്ലാത്തതോ ആണ്. മൺസൂൺ കാലത്ത് കനത്ത മഴ കാരണം നഗരപ്രദേശങ്ങളിൽ മലിനജലം കുതിച്ചുയരുന്നത് പതിവാണ്. പരമ്പരാഗത ശുചീകരണ സംവിധാനങ്ങളായ സെപ്റ്റിക് ടാങ്കുകൾ അല്ലെങ്കിൽ പിറ്റ് ലാട്രിനുകൾ വലിയ അളവിലുള്ള വെള്ളം കൈകാര്യം ചെയ്യാൻ രൂപകൽപ്പന ചെയ്തിട്ടില്ലാത്തതിനാൽ, ഇത് സമീപ പ്രദേശങ്ങളിലേക്ക് കവിഞ്ഞൊഴുകുന്നതിനും മലിനീകരണത്തിനും കാരണമാകുന്നു, അതോടോപ്പം കുത്തൊഴുക്കുള്ള വെള്ളത്തിനൊപ്പം മലമൂത്രവിസർജ്ജനം അടുത്തുള്ള ജലാശയങ്ങളിലേക്ക് ഒഴുകാനും ഇടയാകുന്നു.