പശ്ചിമേഷ്യൻ സംഘർഷം: ഊർജസുരക്ഷയും തയാറെടുപ്പുകളും വിലയിരുത്താൻ പ്രധാനമന്ത്രി മുഖ്യമന്ത്രിമാരുടെ യോഗം വിളിച്ചു

യുദ്ധം സൃഷ്ടിക്കുന്ന വെല്ലുവിളികളെ നേരിടാൻ കേന്ദ്ര-സംസ്ഥാന സർക്കാരുകൾ ഒത്തൊരുമയോടെ പ്രവർത്തിക്കുക എന്നതാണ് 'ടീം ഇന്ത്യ' എന്ന ആശയത്തിലൂടെ പ്രധാനമന്ത്രി ലക്ഷ്യമിടുന്നത്. പശ്ചിമേഷ്യൻ വിഷയത്തിൽ കേന്ദ്രസർക്കാർ വിളിച്ചുചേർത്ത സർവകക്ഷി യോഗത്തിന് തൊട്ടുപിന്നാലെയാണ് മുഖ്യമന്ത്രിമാരുടെ യോഗം നടക്കുന്നത്. ഹോർമുസ് കടലിടുക്കിലെ ഉപരോധം മൂലം ഉണ്ടായേക്കാവുന്ന ഊർജ പ്രതിസന്ധിയെക്കുറിച്ച് സർവകക്ഷി യോഗത്തിൽ ചർച്ച ചെയ്തിരുന്നു.