LPG ഇല്ലെങ്കിൽ PNG ; പ്രതിസന്ധികാലത്ത് പൈപ്പ് ​ഗ്യാസിന് സ്വീകാര്യത വർദ്ധിക്കുമോ ?

സിലിണ്ടറുകൾക്ക് പകരമായി പൈപ്പ് ലൈൻ വഴി നേരിട്ട് വീടുകളിലും ഹോട്ടലുകളിലും എത്തുന്ന പ്രകൃതി വാതകമാണ് പിഎൻജി. സിലിണ്ടറുകൾ മാറ്റി വയ്ക്കുന്നതിനുള്ള ബുദ്ധിമുട്ട് ഒഴിവാക്കാൻ ന​ഗരപ്രദേശങ്ങളിൽ പിഎൻജി ഉപയോ​ഗിക്കുന്നു. ഭൂ​ഗർഭ പൈപ്പ് വഴി നേരിട്ടാണ് പിഎൻജി ​ഗ്യാസ് ലഭ്യമാകുന്നത്. ന​ഗരങ്ങളിലാണ് ഇത് അധികവും ഉപയോ​ഗിക്കുന്നത്. വായുവിനേക്കാൾ ഭാരം കുറവായതിനാൽ ചോർച്ചയുണ്ടായാൽ അത് ​വേ​ഗത്തിൽ മുകളിലേക്ക് ഉയർന്ന് ചിതറിപ്പോകും. കൂടാതെ പിഎൻജി കണക്ഷനുകൾ വീടിനകത്തും പുറത്തുമുള്ളതിനാൽ അടിയന്തര സാഹചര്യങ്ങളിൽ ​ഗ്യാസ് പമ്പ് ചെയ്യുന്നത് പൂർണമായും നിർത്താനാവും.

ഇന്ത്യയിൽ ഉപയോ​ഗിക്കുന്ന എൽപിജിയുടെ 60 ശതമാനത്തിലധികവും ഇറക്കുമതി ചെയ്യുന്നതാണ്. പശ്ചിമേഷ്യയിൽ നടക്കുന്ന യുദ്ധത്തിൽ ഹോർമുസ് കടലിടുക്ക് പോലുള്ള മേഖലകളിൽ പ്രതിസന്ധി ഉണ്ടാകുന്നത് എൽപിജി വിതരണത്തെ ബാധിക്കുന്നു.

എൽപിജി സിലിണ്ടറിനായി നെട്ടോട്ടമോടുകയും ഡെലിവറി ആപ്പുകൾ നിരീക്ഷിക്കുകയും ചെയ്യുന്നു. എന്നാൽ, പിൻജി ഉപഭോക്താക്കൾ ‌ആറ് മാസത്തെ ശരാശരി ഉപയാേ​ഗം അടിസ്ഥാനമാക്കിയാണ് ഗ്യാസ് ലഭ്യമാക്കുന്നത്.