ഇനി മെനു കണ്ടാൽ ഞെട്ടും, രാജ്യത്ത് LPG ക്ഷാമം രൂക്ഷം; റെസ്റ്റോറന്റുകളിൽ ഭക്ഷണത്തിന് വില കൂടും

​ഗാർ​ഹിക എൽപിജി സിലിണ്ടറുകൾക്കാണ് സർക്കാൻ മുൻ​ഗണന നൽകുന്നത്. ഇത് റെസ്റ്റോറന്റുകളുടെ പ്രവർത്തനത്തെ ബാധിക്കും. ഏപ്രിലിൽ പുതിയ‌ വില പ്രാബല്യത്തിൽ വരും. ജൂലൈ മാസത്തോടെ ഭക്ഷണങ്ങളുടെ വില ഔദ്യോ​ഗികമായി പരിഷ്കരിക്കുമെന്നാണ് വിവരം.

എൽപിജി ക്ഷാമം ഏറ്റവുമധികം ബാധിച്ചിരിക്കുന്നത് റെസ്റ്റോറന്റുകളെയാണ്. നഗരങ്ങളിൽ പ്രവർത്തിക്കുന്ന റെസ്റ്റോറന്റുകളുടെ പ്രവർത്തനത്തെ ഇത് സാരമായി ബാധിക്കുന്നു. മാർച്ച് ഒമ്പതിനാണ് റെസ്റ്റോറന്റുകളിൽ വിതരണ നിയന്ത്രണം ഏർപ്പെടുത്തിയത്. ഭൂരിഭാ​ഗം റെസ്റ്റോറന്റുകളിലെയും ഡെലിവറികൾ ​ഗണ്യമായി കുറഞ്ഞിരിക്കുകയാണ്.

സിലിണ്ടറുകൾ വിതരണക്കാരിലേക്ക് എത്തുന്നില്ലെന്നാണ് ഹോട്ടൽ ഉടമകളുടെ പരാതി. ഒരു വലിയ റെസ്റ്റോറന്റിന് 10 മുതൽ 12 വരെ സിലിണ്ടറുകളാണ് ദിവസവും ഉപയോ​ഗിക്കേണ്ടിവരുന്നത്. സുരക്ഷാ നിയന്ത്രണങ്ങൾ കാരണം റെസ്റ്റോറന്റുകൾക്ക് എൽപിജി എടുത്ത് സൂക്ഷിക്കാൻ പറ്റില്ല. അതിനാൽ നിശ്ചിത സമയത്തിനിടെയാണ് ഇവർ എൽപിജി വാങ്ങുന്നത്. മുന്നറിയിപ്പില്ലാതെ വിതരണം നിർത്തിവച്ചത് ഉടമകൾക്ക് വലിയ വെല്ലുവിളിയായി.

​ഗാർഹിക ഉപഭോ​ഗം, ആശുപത്രികൾ, വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ ഇറക്കുമതി ചെയ്യുന്ന എൽപിജിക്കാണ് മുൻ​ഗണന മുൻ​ഗണന നൽകുന്നതെന്ന് മന്ത്രാലയം അറിയിച്ചു.