തിരുവനന്തപുരം മേയർക്ക് പ്രധാനമന്ത്രിയുടെ അനുമോദനം; സംസ്ഥാനത്തിനുള്ള അംഗീകാരമെന്ന് വി വി രാജേഷ്

പുതുവർഷപ്പുലരിയിൽ പ്രധാനമന്ത്രി നരേന്ദ്ര മോദിയുടെ സമ്മാനം ലഭിച്ച സന്തോഷം പങ്കിട്ട് തിരുവനന്തപുരം മേയർ വി.വി. രാജേഷ്. നഗരത്തിൽ ബി.ജെ.പി. നേടിയ ഗംഭീര വിജയത്തെ അഭിനന്ദിച്ചു കൊണ്ടുളള കത്താണ് മോദിയുടെ സമ്മാനമായി പുതുവർഷപ്പുലരിയിൽ മേയറെ തേടിയെത്തിയത്. "ബഹുമാനപ്പെട്ട നമ്മുടെ പ്രധാനമന്ത്രി നരേന്ദമോഡിജിയുടെ പുതുവത്സരസമ്മാനം. മോദിജിയുടെ ഈ സഹായ വാഗ്ദാനം ലഭിച്ചതിലൂടെ കേരളത്തിൻ്റെ വികസന മുന്നേറ്റത്തിന് വലിയ പ്രതീക്ഷയാണ് കൈവന്നിട്ടുള്ളത്. കഴിഞ്ഞ നീണ്ട നാളുകളായുള്ള കേരളത്തിലെ ബി ജെ പി പ്രവർത്തകരുടെ കഠിനാധ്വാനത്തിന് നമ്മുടെ പ്രധാനമന്ത്രി തിരിച്ചു നല്കുന്ന സ്നേഹവും കരുതലും ഈ സംസ്ഥാനത്തിനുള്ള അംഗീകാരം കൂടിയാണ്. എക്കാലത്തും കേരളം ബഹു:പ്രധാന മന്ത്രിയോടും കേന്ദ്രസർക്കാരിനോടും, കേന്ദ്ര ബി ജെ പി യോടുമുള്ള നന്ദിയും, കടപ്പാടും സ്നേഹവും ഹൃദയത്തിൽ സൂക്ഷിക്കും," എന്ന വാക്കുകളോടെയാണ് മേയർ ഈ കത്ത് ഫേസ്ബുക്കിൽ പോസ്റ്റ് ചെയ്തത്.