'പൂജാരിയുടെ ഉത്തരവാദിത്തം ഏറ്റെടുത്തോ?' അമിത് ഷായുടെ രാമക്ഷേത്ര പ്രഖ്യാപനത്തിൽ ശരത് പവാർ

2024 ജനുവരി ഒന്നിന് അയോധ്യയിൽ രാമക്ഷേത്രം തുറക്കുന്നതുമായി ബന്ധപ്പെട്ട് കേന്ദ്ര ആഭ്യന്തര മന്ത്രി അമിത് ഷാ നടത്തിയ പ്രഖ്യാപനത്തിനെതിരെ എൻസിപി അധ്യക്ഷൻ ശരദ് പവാർ രംഗത്ത്. ക്ഷേത്രത്തിലെ പൂജാരി അത് പറഞ്ഞാൽ നന്നായിരുന്നു എന്നും അമിത് ഷാ “പൂജാരി” ആണോ എന്നും അദ്ദേഹം ചോദിച്ചു. ക്ഷേത്ര സംബന്ധമായ കാര്യങ്ങൾ പറയേണ്ടത് കേന്ദ്ര ആഭ്യന്തര മന്ത്രിയാണോയെന്നും അദ്ദേഹം ആരാഞ്ഞു. യഥാർത്ഥ പ്രശ്‌നങ്ങളിൽ നിന്ന് ശ്രദ്ധ തിരിക്കാനാണ് ഈ വിഷയം ഇപ്പോൾ ഉന്നയിക്കുന്നതെന്നും പവാർ ആഞ്ഞടിച്ചു.