'എന്റെ അമ്മ അപമാനിക്കപ്പെട്ടു'; കോൺഗ്രസിനും ആർജെഡിക്കുമെതിരെ നരേന്ദ്ര മോദി

Published by:ASHLI
news18-malayalam

Last Updated:Sep 02, 2025 3:09 PM IST

രാഹുൽ ഗാന്ധിയുടെ 'വോട്ട് അധികാർ യാത്ര'യ്ക്കിടെ പ്രധാനമന്ത്രി നരേന്ദ്ര മോദിയുടെ പരേതയായ അമ്മയെ ലക്ഷ്യമിട്ട് അധിക്ഷേപകരമായ മുദ്രാവാക്യങ്ങൾ മുഴക്കിയെന്നാണ് ആരോപണം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ബിഹാറിൽ ആർജെഡി-കോൺഗ്രസ് പരിപാടിയുടെ വേദിയിൽ നിന്ന് തന്റെ അന്തരിച്ച അമ്മയ്‌ക്കെതിരെ നടത്തിയ പരാമർശങ്ങളിൽ അപലപിച്ച് പ്രധാനമന്ത്രി നരേന്ദ്ര മോദി വികാരാധീനനായി.

ബിഹാറിലെ ദർഭംഗയിൽ രാഹുൽ ഗാന്ധിയുടെ 'വോട്ട് അധികാർ യാത്ര'യ്ക്കിടെയാണ് കോൺഗ്രസ്-ആർജെഡി വേദിയിൽ നിന്ന് പ്രധാനമന്ത്രി മോദിയുടെ അമ്മയെ ലക്ഷ്യമിട്ട് അധിക്ഷേപകരമായ മുദ്രാവാക്യങ്ങൾ മുഴങ്ങിയത്.

"അമ്മയാണ് നമ്മുടെ ലോകം. അമ്മയാണ് നമ്മുടെ ആത്മാഭിമാനം. പാരമ്പര്യത്താൽ സമ്പന്നമായ ഈ ബീഹാറിൽ കുറച്ച് ദിവസങ്ങൾക്ക് മുമ്പ് സംഭവിച്ചത് ഞാൻ സങ്കൽപ്പിച്ചിട്ടുപോലുമില്ല. ബീഹാറിലെ ആർജെഡി-കോൺഗ്രസ് വേദിയിൽ എന്റെ അമ്മയെ അപമാനിച്ചു," പ്രധാനമന്ത്രി മോദി വികാരാധീനനായി പറഞ്ഞു.

സ്ത്രീകളുടെ സംരംഭകത്വവും സ്വാശ്രയത്വവും പ്രോത്സാഹിപ്പിക്കുന്നതിൽ ശ്രദ്ധ കേന്ദ്രീകരിച്ചുള്ള ഒരു പുതിയ സഹകരണ സംരംഭം ബീഹാറിൽ ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.

സ്വയം സഹായ ഗ്രൂപ്പുകളുമായി (എസ്എച്ച്ജി) ബന്ധപ്പെട്ടിരിക്കുന്ന ഗ്രാമീണ സ്ത്രീകൾക്കിടയിൽ സംരംഭക കഴിവുകൾ വർദ്ധിപ്പിക്കുന്നതിനാണ് ഈ പരിപാടി രൂപകൽപ്പന ചെയ്തിരിക്കുന്നതെന്ന് മോദി പറഞ്ഞു.

"ഈ പീഡനങ്ങൾ എന്റെ അമ്മയെ മാത്രമല്ല അപമാനിക്കുന്നത്. രാജ്യത്തെ അമ്മമാർക്കും സഹോദരിമാർക്കും പെൺമക്കൾക്കും നേരെയുള്ള അപമാനമാണിത്. എനിക്കറിയാം... ബീഹാറിലെ ഓരോ അമ്മയ്ക്കും, ഇത് കാണുകയും കേൾക്കുകയും ചെയ്തപ്പോൾ നിങ്ങൾ എല്ലാവരും എത്രമാത്രം വേദനിച്ചുവെന്ന്!

എന്റെ ഹൃദയത്തിൽ എനിക്ക് എത്ര വേദനയുണ്ടോ അത്രയും വേദന ബീഹാറിലെ ജനങ്ങളും അനുഭവിക്കുന്നുണ്ടെന്ന് എനിക്കറിയാം." വീഡിയോ കോൺഫറൻസിംഗിലൂടെ 20 ലക്ഷത്തിലധികം സ്ത്രീകളെ അഭിസംബോധന ചെയ്തുകൊണ്ട് അദ്ദേഹം കൂട്ടിച്ചേർത്തു,