ചരിത്രം കുറിച്ച് പ്രധാനമന്ത്രി നരേന്ദ്ര മോദി; ഇന്ത്യയിലേറ്റവും കൂടുതൽ കാലം ഭരണത്തലവനായ നേതാവ്

2001-ൽ ഗുജറാത്ത് മുഖ്യമന്ത്രിയായ നരേന്ദ്ര മോദി, 2014-ൽ പ്രധാനമന്ത്രിയാകുന്നത് വരെ ആ പദവിയിൽ തുടർന്നു. ഗുജറാത്തിൽ ഏറ്റവും കൂടുതൽ കാലം മുഖ്യമന്ത്രിയായിരുന്ന വ്യക്തിയും നരേന്ദ്രമോദിയാണ്. കൂടാതെ സ്വതന്ത്ര ഇന്ത്യയിൽ ജനിച്ച ആദ്യത്തെ പ്രധാനമന്ത്രി എന്ന പ്രത്യേകതയും അദ്ദേഹത്തിനുണ്ട്.

കേന്ദ്രസർക്കാരിന്റെ തലവനായി തുടർച്ചയായി രണ്ട് കാലാവധികൾ പൂർത്തിയാക്കിയ ഒരേയൊരു കോൺഗ്രസ് ഇതര നേതാവ് കൂടിയാണ് മോദി. 2014, 2019, 2024 വർഷങ്ങളിൽ നടന്ന ലോക്‌സഭാ തിരഞ്ഞെടുപ്പുകളിൽ തുടർച്ചയായി മൂന്ന് തവണ അദ്ദേഹം തന്റെ പാർട്ടിയെ വിജയത്തിലേക്ക് നയിച്ചു.കഴിഞ്ഞ വർഷം ജൂലൈയിൽ, ഏറ്റവും കൂടുതൽ കാലം തുടർച്ചയായി അധികാരത്തിലിരുന്ന രണ്ടാമത്തെ ഇന്ത്യൻ പ്രധാനമന്ത്രി എന്ന നേട്ടത്തിൽ അദ്ദേഹം ഇന്ദിരാഗാന്ധിയെ മറികടന്നിരുന്നു. 2025 ജൂലൈ 25-ഓടെ അദ്ദേഹം ഭരണത്തിൽ 4,078 ദിവസങ്ങൾ പൂർത്തിയാക്കി. മുൻ പ്രധാനമന്ത്രി ഇന്ദിരാഗാന്ധി 1966 ജനുവരി 24 മുതൽ 1977 മാർച്ച് 24 വരെ തുടർച്ചയായി 4,077 ദിവസങ്ങളാണ് അധികാരത്തിലിരുന്നത്.

ഇടവേളകളില്ലാതെ ഏറ്റവും കൂടുതൽ കാലം പ്രധാനമന്ത്രി പദത്തിലിരുന്ന റെക്കോർഡ് ഇന്ത്യയുടെ ആദ്യ പ്രധാനമന്ത്രി ജവഹർലാൽ നെഹ്‌റുവിന്റെ പേരിലാണ്. എങ്കിലും, തുടർച്ചയായി മൂന്ന് ലോക്‌സഭാ തിരഞ്ഞെടുപ്പുകളിൽ പാർട്ടിയെ വിജയത്തിലേക്ക് നയിച്ച കാര്യത്തിൽ മോദി നെഹ്‌റുവിനൊപ്പമെത്തി. സംസ്ഥാനത്തും കേന്ദ്രത്തിലുമായി തിരഞ്ഞെടുക്കപ്പെട്ട ഭരണത്തലവൻ എന്ന നിലയിൽ ഇന്ത്യയിൽ ഏറ്റവും ദൈർഘ്യമേറിയ ഭരണകാലം ഇപ്പോൾ പ്രധാനമന്ത്രി മോദിക്കാണ്.

Summary: Narendra Modi surpasses the record held by Pawan Kumar Chamling who served as Sikkim’s Chief Minister for over 24 years, remaining 8930 days in office.