ലിഫ്റ്റിൽ വളർത്തുനായയെ കയറ്റുന്നതിനെ ചൊല്ലി തർക്കം; സ്ത്രീക്ക് റിട്ട. ഐഎഎസ് ഓഫീസറുടെ മർദനം; പിന്നാലെ കൂട്ടയടി

Published by:Rajesh V
news18-malayalam

Last Updated:October 31, 2023 2:16 PM IST

വീഡിയോ സമൂഹമാധ്യമങ്ങളിൽ വൈറലായി. റിട്ട. ഉദ്യോഗസ്ഥരായ ഇരുവരും നായയുടെ ഉടമയും മൊബൈൽ ഫോണുകൾ പരസ്പരം വീഡിയോ പകർത്തുന്നതിനിടെയാണ് കൈയാങ്കളി

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

വളർത്തുനായയെ ലിഫ്റ്റിൽ കയറ്റുന്നതിനെ ചൊല്ലിയുള്ള വാക്കുതർക്കത്തിന് പിന്നാലെ സ്ത്രീയെ റിട്ട. ഐഎഎസ് ഉദ്യോഗസ്ഥൻ മർദിച്ചു. നോയിഡയിലെ സെക്ടർ 108 പാർക്ക് ലൗറിയേറ്റ് സൊസൈറ്റിയിലാണ് സംഭവം. റിട്ട. ഐഎഎസ് ഉദ്യോഗസ്ഥനായ ആർ പി ഗുപ്തയാണ് നായയുമായി ലിഫ്റ്റിൽ നിന്നിറങ്ങാതിരുന്നതിന് സ്ത്രീയെ മർദിച്ചത്. പരാതിയുടെ അടിസ്ഥാനത്തിൽ നോയിഡ പൊലീസ് കേസെടുത്ത് അന്വേഷണം തുടങ്ങി.

വീഡിയോ കാണാം:

There was again a dispute over a dog in the lift in Noida. Retired IAS officer R. P GUPTA accused of slapping a woman. Woman stopped for walking with dog, Retired IAS got furious when woman did not come out in lift, Controversy broke out over woman making video. pic.twitter.com/zFTgf8hEuf

— Save Children from #Stray_Dog_Menace (@IndianFightSdm) October 31, 2023

സംഭവത്തിന്റെ വീഡിയോ പുറത്തുവന്നതോടെയാണ് വിവരം പുറംലോകം അറിയുന്നത്. ഇതിന്റെ വീഡിയോ സമൂഹമാധ്യമങ്ങളിൽ വൈറലായി. റിട്ട. ഉദ്യോഗസ്ഥരായ ഇരുവരും നായയുടെ ഉടമയും മൊബൈൽ ഫോണുകൾ പരസ്പരം വീഡിയോ പകർത്തുന്നതിനിടെയാണ് കൈയാങ്കളിയുണ്ടായത്. റിട്ട. ഐഎഎസ് ഓഫീസറുടെ കൈയിലുണ്ടായിരുന്ന ഫോൺ സ്ത്രീ തട്ടിപ്പറിക്കുന്നതും പിന്നാലെ ഉദ്യോഗസ്ഥൻ സ്ത്രീയെ മർദിക്കുന്നതും വീഡിയോയിൽ കാണാം.

അടിയേറ്റ സ്ത്രീയുടെ ഭർത്താവെന്ന് പറയപ്പെടുന്ന വെള്ള ടി-ഷർട്ട് ധരിച്ച മറ്റൊരാൾ പിന്നാലെ അവിടെ എത്തുകയും റിട്ട. ഐഎഎസ് ഓഫീസറെ തലങ്ങും വിലങ്ങും മര്‍ദിക്കുന്നതും കാണാം.

Kalesh b/w a Retired IAS officer and a woman in a dispute over taking a dog in the lift in Park Larette Society, Noida Sector-108.
pic.twitter.com/sfd4ippceg

— Ghar Ke Kalesh (@gharkekalesh) October 31, 2023

Part-2: Conclusion kalesh (The woman called her husband and got the IAS officer beaten up, the security guard saved her)pic.twitter.com/JodnspFqma https://t.co/UPQ6a0R3wu

— Ghar Ke Kalesh (@gharkekalesh) October 31, 2023

നായയെ ലിഫ്റ്റിൽ കയറ്റുന്നതുമായി ബന്ധപ്പെട്ട് തർക്കം നിലനിൽക്കുന്നുണ്ടായിരുന്നുവെന്നും പ്രാഥമിക വിവരമനുസരിച്ച് ഇരുകൂട്ടരും തമ്മിൽ കൈയാങ്കളിയിലേർപ്പെട്ടുവെന്നും ഗൗതം ബുദ്ധ നഗർ പൊലീസ് കമ്മീഷണർ എക്‌സിൽ കുറിച്ചു.

Also Read- ലോകത്തിലെ ഏറ്റവും വലിയ പല്ലി കര്‍ണാടകയിലെ ഗ്രാമത്തില്‍; അമ്പരന്ന് നാട്ടുകാര്‍

നായയുടെ ഉടമയ്ക്ക് പിഴ?‌

വളർത്തുനായയെ രജിസ്റ്റർ ചെയ്തില്ലെങ്കിൽ 500 രൂപ പിഴ ചുമത്തുമെന്ന് നോയിഡ അതോറിറ്റി ഒഎസ്ഡി ഇന്ദു പ്രകാശ് സിങ് പറഞ്ഞു. കഴിഞ്ഞ വർഷം ഡിസംബറിൽ നായ നയം നടപ്പാക്കിയപ്പോൾ മൊബൈൽ ആപ്ലിക്കേഷനും ലഭ്യമാക്കിയിരുന്നു. ഇതിലൂടെ അവരവരുടെ വളർത്തുമൃഗങ്ങളെ രജിസ്റ്റർ ചെയ്യാം. രജിസ്ട്രേഷനുള്ള അവസാന തീയതി 2023 മാർച്ച് 30 ആയിരുന്നു. അതിനുശേഷം, ഒരു വളർത്തുമൃഗത്തെ രജിസ്റ്റർ ചെയ്യുന്നതിന് 500 രൂപ പിഴ ചുമത്തും. എല്ലാ വളർത്തുമൃഗ ഉടമകൾക്കും ഇത് നിർബന്ധമാണെന്ന് ഇന്ദു പ്രകാശ് സിങ് പറയുന്നു.

ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ

Location :

Noida,Gautam Buddha Nagar,Uttar Pradesh

First Published :

October 31, 2023 2:16 PM IST

ലിഫ്റ്റിൽ വളർത്തുനായയെ കയറ്റുന്നതിനെ ചൊല്ലി തർക്കം; സ്ത്രീക്ക് റിട്ട. ഐഎഎസ് ഓഫീസറുടെ മർദനം; പിന്നാലെ കൂട്ടയടി

ലിഫ്റ്റിൽ വളർത്തുനായയെ കയറ്റുന്നതിനെ ചൊല്ലി തർക്കം; സ്ത്രീക്ക് റിട്ട. ഐഎഎസ് ഓഫീസറുടെ മർദനം; പിന്നാലെ കൂട്ടയടി

ഫോട്ടോ

പ്രധാനപ്പെട്ട വാർത്ത