ഹിന്ദിയിൽ മറുപടി പറയുന്ന കേന്ദ്രമന്ത്രിയ്ക്ക് മലയാളത്തില്‍ കത്തയച്ച് ജോണ്‍ ബ്രിട്ടാസ് എംപി

ഹിന്ദിയിൽ മറുപടി പറയുന്ന കേന്ദ്രമന്ത്രിയ്ക്ക് മലയാളത്തില്‍ കത്തയച്ച് ജോണ്‍ ബ്രിട്ടാസ് എംപി. കേന്ദ്ര റെയിൽവേ - ഭക്ഷ്യ സംസ്കരണ വ്യവസായ സഹ മന്ത്രി രവ്നീത് സിംഗിനാണ് ഡോ. ജോൺ ബ്രിട്ടാസ് എം. പി പ്രതിഷേധസൂചകമായി മലയാളത്തിൽ കത്തയച്ചത്. പാർലമെന്റിലെ പ്രതികരണങ്ങൾ ഹിന്ദിയിൽ മാത്രം നിർവഹിക്കുന്നയാളാണ് മന്ത്രി. ഇതിനെതിരേയാണ് ഹിന്ദി ഔദ്യോഗികഭാഷയായി അംഗീകരിക്കാത്ത കേരളത്തിൽ നിന്നുള്ള എം.പി.യായ ജോൺ ബ്രിട്ടാസിന്റെ പ്രതികരണം. കേരളപ്പിറവി ദിനത്തിന്റെ തൊട്ടടുത്ത ദിവസമാണ് കേരളത്തിന്റെ ഭാഷാപരമായ അവകാശം ഉയർത്തിപ്പിടിച്ചു കൊണ്ട് ജോൺ ബ്രിട്ടാസ് ഈ പ്രതിഷേധക്കത്ത് അയച്ചത്.