തമിഴ്‌നാട്‌ കവരൈപ്പേട്ടയിൽ ട്രെയിനുകൾ കൂട്ടിയിടിച്ച് 19 പേർക്ക് പരിക്ക്; 4 പേരുടെ നില ഗുരുതരം, 28 ട്രെയിനുകൾ വഴിതിരിച്ചുവിട്ടു

തമിഴ്നാട് തിരുവള്ളുവർ കവരൈപ്പേട്ടയിൽ ട്രെയിനുകൾ കൂട്ടിയിടിച്ച് അപകടം. മൈസൂരുവിൽനിന്ന് ദർഭംഗയിലേക്ക് പോവുകയായിരുന്ന മൈസൂരു-ദർഭംഗ ബാഗ്മതി എക്സ്പ്രസ് ട്രെയിൻ റെയിൽവേ സ്റ്റേഷനോട് ചേർന്ന് നിറുത്തിയിട്ടിരുന്ന ചരക്ക് ട്രെയിനിൽ ഇടിച്ചു കയറിയാണ് അപകടമുണ്ടായത്. ഇന്നലെ രാത്രി എട്ടരയോടെയായിരുന്നു അപകടം നടന്നത്. അപകടത്തിൽ 19 പേർക്ക് പരിക്കേറ്റു . 4 പേരുടെ നില ഗുരുതരമാണ്. ഇവരെ ചെന്നൈയിലെ സർക്കാർ മെഡിക്കൽ കോളേജ് ആശുപത്രിയിലേക്ക് മാറ്റിയിട്ടുണ്ട്. തമിഴ്നാട് മുഖ്യമന്ത്രി എംകെ സ്റ്റാലിൻ ചെന്നെയിൽ ആശുപത്രിയിൽ കഴിയുന്നവരെ സന്ദർശിച്ചു.