FOLLOW UP: അഞ്ച് മാസം മുന്‍പ് കേരള തീരം വിട്ട 243 പേര്‍ക്ക് സംഭവിച്ചതെന്ത്? മുനമ്പം മനുഷ്യക്കടത്തിന് പിന്നില്‍

ജനുവരി 12ന് ഡല്‍ഹി അംബേദ്കര്‍ നഗര്‍ കോളനിയില്‍ നിന്ന് 2670 കിലോമീറ്റര്‍ അകലെയുള്ള എറണാകുളത്തെ മുനമ്പത്തു നിന്ന് ദേവമാത എന്ന മത്സ്യബന്ധന ബോട്ട് യാത്ര തിരിച്ചിരുന്നു. കേരള പൊലീസിലെ അന്വേഷണ സംഘം പറയുന്നത് 243 യാത്രക്കാരാണ് ആ ബോട്ടില്‍ ഉണ്ടായിരുന്നതെന്നാണ്. അതില്‍ 184 പേര്‍ അംബേദ്കര്‍ നഗര്‍ കോലനിയില്‍ നിന്നുള്ളവരായിരുന്നുവെന്നും പൊലീസ് വ്യക്തമാക്കുന്നു. കസ്തൂരിയുടെ മക്കളും ഈ ബോട്ടില്‍ ഉണ്ടായിരുന്നുവെന്നാണ് സംശയിക്കുന്നത്. കാണാതായവരുടെ കുടുംബങ്ങള്‍ പറയുന്നത് 85 കുട്ടികള്‍ ആ ബോട്ടില്‍ ഉണ്ടായിരുന്നുവെന്നാണ്. ഒരു ജനന സര്‍ട്ടിഫിക്കറ്റും ന്യൂസ് 18ന് ലഭിച്ച സിസിടിവി ദൃശ്യങ്ങളും 12 ദിവസം മാത്രം പ്രായമുള്ള കുഞ്ഞും അതില്‍ ഉണ്ടായിരുന്നു എന്നാണ് വ്യക്തമാക്കുന്നത്.

തിരിച്ച് വീട്ടിലെത്തിയ കസ്തൂരി പൂജാമുറിയിലെ അലമാരയില്‍ സൂക്ഷിച്ചിരുന്ന ഡയറി കാണിച്ചു. തന്റെ കുടുംബത്തില്‍ നിന്ന് കാണാതായ ആറു പേരുടെയും ഫോട്ടോ ഒന്നൊന്നായി കസ്തൂരി കാണിച്ചു. ഈ ചെറിയ കുഞ്ഞിനെ കണ്ടോ? നിയന്‍സിന് യാത്ര ചെയ്യുന്ന സമയത്ത് ആറ് മാസം മാത്രമായിരുന്നു പ്രായം. ചെറിയ കുഞ്ഞിന്റെ ഫോട്ടോ കാണിച്ച് കസ്തൂരി പറഞ്ഞു.

ജനുവരി 11 നാണ് കൊച്ചിക്ക് സമീപമുള്ള മുനമ്പത്ത് 50 ബാഗുകള്‍ ഉപേക്ഷിക്കപ്പെട്ട നിലയില്‍ കേരള പൊലീസ് കണ്ടെത്തുന്നത്. പിറ്റേദിവസം കൂടുതല്‍ ബാഗുകളും ഇവിടെ നിന്ന് കണ്ടെത്തി. തൊട്ടടുത്ത പ്രദേശങ്ങളില്‍ നിന്നായി ഐഡിന്റിറ്റി കാര്‍ഡുളും മറ്റു രേഖകളും കണ്ടെത്തിയതോടെ സംഭവത്തില്‍ ദുരൂഹതയേറുകയായിരുന്നു. തങ്ങളുടെ ലഗേജുകള്‍ ഉപേക്ഷിച്ച് ബോട്ടില്‍ കയറാന്‍ യാത്രക്കാര്‍ നിര്‍ബന്ധിതരായതായെന്ന നിഗമനത്തില്‍ പൊലീസ് എത്തുകയും ചെയ്തു. പിന്നീട് ഈ ബാഗുകള്‍ കേന്ദ്രീകരിച്ച് പൊലീസ് നടത്തിയ അന്വേഷണം മനഷ്യക്കടത്തെന്ന സാധ്യതയിലേക്ക് നയിക്കുകയായിരുന്നു.

പ്രാഥമിക അന്വേഷണത്തില്‍ ശ്രീകാന്തനും സെല്‍വനുമാണ് ഈ റാക്കറ്റിന്റെ ബുദ്ധി കേന്ദ്രങ്ങള്‍ എന്ന് കണ്ടെത്തി. പത്തോളം ഇടനിലക്കാരെയും തിരിച്ചറിഞ്ഞു. പൊലീസ് റിപ്പോര്‍ട്ടനുസരിച്ച് ഡല്‍ഹിയിലും തമിഴ്‌നാട്ടിലുമുള്ള ഇടനിലക്കാരാണ് ന്യൂസിലന്‍ഡില്‍ ജോലി വാഗ്ദാനം ചെയ്ത് യാത്രക്കാരെ പ്രലോഭിപ്പിച്ചതും യാത്രക്കായി തയ്യാറാക്കിയതും.