അഭിനന്ദൻ പാക് പിടിയിലായ വീഡിയോകൾ യൂട്യൂബ് നീക്കി
Last Updated:
കേന്ദ്ര ഐടി മന്ത്രാലയത്തിന്റെ നിർദേശപ്രകാരമാണ് നടപടി
ന്യൂഡൽഹി: നിയന്ത്രണരേഖ കടന്നെത്തിയ പാക് യുദ്ധവിമാനത്തെ തുരത്തുന്നതിനിടെ പാകിസ്താന്റെ പിടിയിലായ വിംഗ് കമാൻഡർ അഭിനന്ദൻ വർധമാന്റെ വീഡിയോകൾ യൂട്യൂബ് നീക്കം ചെയ്തു. കേന്ദ്ര ഐടി മന്ത്രാലയത്തിന്റെ നിർദേശപ്രകാരമാണ് നടപടി. 11 വീഡിയോകളാണ് ബുധനാഴ്ച യൂ ട്യൂബിൽ പ്രചരിച്ചത്.
ആഭ്യന്തരമന്ത്രാലയത്തിന്റെ ഉത്തരവനുസരിച്ചായിരുന്നു ഐടി മന്ത്രാലയത്തിന്റെ നടപടി. ഗൂഗിളിന്റെ ഉടമസ്ഥതയിലുള്ള കമ്പനിയാണ് യൂട്യൂബ്. അധികൃതരിൽ നിന്ന് നിർദേശം കിട്ടിയാൽ ഉള്ളടക്കം നീക്കുകയെന്നത് കമ്പനിയുടെ നയമാണെന്ന് ഗൂഗിൾ വക്താവ് അറിയിച്ചു.
ജമ്മു കശ്മീർ അതിർത്തിയിൽ പാക് വിമാനങ്ങളെ നേരിടുന്നതിനിടെയാണ് വിമാനം തകർന്ന് അഭിനന്ദൻ പാകിസ്താന്റെ പിടിയിലായത്. അഭിനന്ദനെ നാട്ടുകാർ മർദിക്കുന്നതിന്റെയും മറ്റും ദൃശ്യങ്ങളും ചിത്രങ്ങളും വ്യാപകമായി പ്രചരിച്ചിരുന്നു.
advertisement
ബ്രേക്കിങ് ന്യൂസ്, ആഴത്തിലുള്ള വിശകലനം, രാഷ്ട്രീയം, ക്രൈം, സമൂഹം എല്ലാം ഇവിടെയുണ്ട്. ഏറ്റവും പുതിയ ദേശീയ വാർത്തകൾക്കായി News18 മലയാളത്തിനൊപ്പം വരൂ
Location :
First Published :
March 01, 2019 8:05 AM IST
