IPL 2022 | ചെന്നൈക്കെതിരെ ബാംഗ്ലൂരിന് ടോസ്; ബൗളിംഗ് തിരഞ്ഞെടുത്തു; ഇരട്ട മാറ്റങ്ങളുമായി ആർസിബി

ഐപിഎല്ലിൽ (IPL 2022) ചെന്നൈ സൂപ്പർ കിങ്സിനെതിരായ (Chennai Super Kings) മത്സരത്തിൽ ടോസ് നേടിയ റോയൽ ചലഞ്ചേഴ്‌സ് ബാംഗ്ലൂർ (Royal Challengers Banglore) ക്യാപ്റ്റൻ ഫാഫ് ഡുപ്ലെസി ബൗളിംഗ് തിരഞ്ഞെടുത്തു. സീസണിൽ ഇതുവരെ കളിച്ച മത്സരങ്ങളെല്ലാം തോറ്റ ചെന്നൈക്ക് സീസണിലെ ശേഷിക്കുന്ന മത്സരങ്ങൾ എല്ലാം തന്നെ നിർണായകമാണ്. അതുകൊണ്ട് തന്നെ ബാംഗ്ലൂരിനെതിരെ ജയം നേടാനുറച്ചാകും ജഡേജയും സംഘവും ഇറങ്ങുന്നത്. ക്യാപ്റ്റൻ സ്ഥാനം ഒഴിഞ്ഞതിന് ശേഷം എം എസ് ധോണിയും വിരാട് കോഹ്‌ലിയും നേർക്കുനേർ വരുന്ന ആദ്യ മത്സരമെന്ന പ്രത്യേകതയും ഇന്നത്തെ മത്സരത്തിനുണ്ട്.