കോഴിക്കോട് കൊടുവള്ളിയിൽ 13 കാരി കുളിമുറിയിൽ നിന്ന് ഷോക്കേറ്റ് മരിച്ചു

കോഴിക്കോട്: കൊടുവള്ളിയിൽ 13 കാരി കുളിമുറിയിൽ നിന്ന് ഷോക്കേറ്റ് മരിച്ചു. കൊടുവള്ളി കരുവൻപൊയിൽ എടക്കോട്ട് വി. പി.മൊയ്തീൻകുട്ടി സഖാഫിയുടെയും ഫാത്തിമയുടെയും മകൾ നജാ കദീജ (13) ആണ് മരിച്ചത്. കഴിഞ്ഞ ദിവസം വൈകീട്ട് നാല് മണിയോടെ വീട്ടിലെ കുളിമുറിയിൽ നിന്നാണ് ഷോക്കേറ്റത്. ഉടൻ തന്നെ സ്വകാര്യ ആശുപത്രിയിലും തുടർന്ന് കോഴിക്കോട് ബേബി മെമ്മോറിയൽ ഹോസ്പിറ്റലിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.