ഭർത്താവിനെ കാണാനെത്തിയ യുവതിയും മകനും സൗദിയിൽ അപകടത്തിൽ മരിച്ചു

രണ്ട് ദിവസം മുൻപാണ്  ഷഹറബാനുവും കുട്ടികളും ഇസ്ഹാഖിനെ കാണാന്‍ സൗദിയിലെത്തിയത്. ഞായറാഴ്ച രാവിലെ അൽഖൗസിൽ നിന്ന് ഇസ്ഹാഖിന്റെ അനുജനെ കാണാനായി ഹാലിയിലേക്ക് പോകുന്ന വഴിയായിരുന്നു അപകടം. ഇവർ സഞ്ചരിച്ച കാർ എതിർ ദിശയിൽ വരികയായിരുന്ന വാഹനവുമായി കൂട്ടിയിടിക്കുകയായിരുന്നു.

ഇസ്ഹാഖായിരുന്നു വാഹനം ഓടിച്ചിരുന്നത്. മുൻസീറ്റിലിരുന്ന മകന് സീറ്റ് ബെൽറ്റ് ഇട്ടുകൊടുക്കാൻ ശ്രമിക്കുന്നതിനിടെയാണ് അപകടമെന്നാണ് പ്രാഥമിക സൂചന. മൃതദേഹങ്ങൾ ഖുൻഫുദ ജനറൽ ആശുപത്രിയിൽ സൂക്ഷിച്ചിരിക്കയാണ്.