വിശ്രമിക്കുന്നതിനിടെ തെങ്ങ് കടപുഴകി വീണ് 2 തൊഴിലുറപ്പ് തൊഴിലാളികളായ സ്ത്രീകൾ മരിച്ചു
- Published by:ASHLI
- news18-malayalam
Last Updated:
കൂടെയുണ്ടായിരുന്ന അഞ്ച് തൊഴിലാളികൾക്ക് ഗുരുതര പരുക്കേറ്റു
കാട്ടാക്കട കുന്നത്തുകാൽ ചാവടിയിൽ തെങ്ങ് കടപുഴകി വീണ് അപകടം. കാപ്പി കുടിച്ച് വിശ്രമിക്കുകയായിരുന്ന രണ്ട് തൊഴിലുറപ്പ് തൊഴിലാളികളായ സ്ത്രീകളുടെ തലയിലേക്കാണ് തെങ്ങ് വീണത്. ചാവടി സ്വദേശികളായ ചന്ദ്രിക, വസന്ത എന്നിവരാണ് മരിച്ചത്. കൂടെയുണ്ടായിരുന്ന അഞ്ച് തൊഴിലാളികൾക്ക് ഗുരുതര പരുക്കേറ്റു. ഇവരെ കാരക്കോണം മെഡിക്കൽ കോളജിലേക്ക് മാറ്റി. സ്നേഹലത (54), ഉഷ (59) എന്നിവർക്കാണ് ഗുരുതരമായി പരുക്കേറ്റത്.
അപകടം നടന്ന സമയത്ത് പല തൊഴിലാളികളും ചിതറി ഓടി. ഏകദേശം 48 തൊഴിലാളികളാണ് സ്ഥലത്തുണ്ടായിരുന്നത്. കനാൽ വൃത്തിയാക്കുന്ന ജോലിക്കായി എത്തിയതായിരുന്നു ഇവർ. തെങ്ങിന് ഏറെ പഴക്കമുണ്ടായിരുന്നതായി വിവരമുണ്ട്. പാറശ്ശാല ഫയർഫോഴ്സും വെള്ളറട പോലീസും ചേർന്നാണ് രക്ഷാപ്രവർത്തനം നടത്തിയത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Sep 20, 2025 1:11 PM IST
മലയാളം വാർത്തകൾ/ വാർത്ത/Kerala/
വിശ്രമിക്കുന്നതിനിടെ തെങ്ങ് കടപുഴകി വീണ് 2 തൊഴിലുറപ്പ് തൊഴിലാളികളായ സ്ത്രീകൾ മരിച്ചു
