ഹോർമുസ് കടലിടുക്ക് അടഞ്ഞുതന്നെ കിടക്കട്ടെയെന്ന് ഇറാന്റെ പുതിയ പരമോന്നത നേതാവ് മോജ്താബ ഖമനയി

ഹോർമുസ് കടലിടുക്ക് അടച്ചുപൂട്ടാനുള്ള അധികാരം സംരക്ഷിക്കപ്പെടണമെന്നും ആവശ്യമെങ്കിൽ മറ്റ് മേഖലകളിലും യുദ്ധമുഖങ്ങൾ തുറക്കുമെന്നും അദ്ദേഹം പറഞ്ഞു. അയൽരാജ്യങ്ങളുമായി സമാധാനപരമായ ബന്ധമാണ് ഇറാൻ ആഗ്രഹിക്കുന്നത്. എന്നാൽ മേഖലയിലെ അമേരിക്കൻ സൈനിക താവളങ്ങൾക്കെതിരായ ആക്രമണം തുടരുമെന്നും അദ്ദേഹം മുന്നറിയിപ്പ് നൽകി. "അയൽക്കാരുമായുള്ള സൗഹൃദത്തിൽ ഞങ്ങൾ വിശ്വസിക്കുന്നു, എന്നാൽ അമേരിക്കൻ താവളങ്ങളെ ഞങ്ങൾ ലക്ഷ്യം വയ്ക്കും, അത് അനിവാര്യമായും തുടരുക തന്നെ ചെയ്യും," അദ്ദേഹം പറഞ്ഞു.