കേരളതീരത്തെ കടലിൽ വീണ്ടും കപ്പലിൽ നിന്ന് 50 കണ്ടൈനറുകൾ വീണു; രണ്ടാഴ്ചയ്ക്കിടെ രണ്ടാമത്തെ അപകടം

കേരളതീരത്ത് ബേപ്പൂർ (Beypore)- അഴീക്കലിന് സമീപം ചരക്ക് കപ്പലിന് കടലിൽ വച്ച് തീ പിടിച്ചു. ബേപ്പൂരിൽ ഇന്നും 40 നോട്ടിക്കൽ മൈൽ അകലെയാണ് കപ്പലപകടം. കൊളംബോയിൽ നിന്ന് മുംബൈയിലേക്ക് പോയ വാൻഹായ് 503 എന്ന ചരക്കു കപ്പലിനാണ് തീപിടിച്ചത്. സംഭവസമയത്ത് കപ്പലിൽ ഏകദേശം 650 കണ്ടെയ്‌നറുകൾ ഉണ്ടായിരുന്നുവെന്നും 40-ലധികം ജീവനക്കാർ കപ്പലിലുണ്ടായിരുന്നുവെന്നും പ്രാഥമിക റിപ്പോർട്ടുകൾ സൂചിപ്പിക്കുന്നു. തീപിടുത്തത്തിനിടെ ഏകദേശം 50 കണ്ടെയ്‌നറുകൾ വെള്ളത്തിൽ വീണതായി പറയപ്പെടുന്നു. അടിയന്തര സാഹചര്യത്തിൽ, സ്ഥിതിഗതികൾ നിയന്ത്രിക്കുന്നതിനായി ഇന്ത്യൻ തീരസംരക്ഷണ സേനയുടെ യൂണിറ്റുകൾ സ്ഥലത്തേക്ക് പുറപ്പെട്ടു. തീയണയ്ക്കാൻ കോസ്റ്റ് ഗാർഡിന്റെ നാല് കപ്പലുകൾ സംഭവസ്ഥലത്തേക്ക് തിരിച്ചതായി റിപോർട്ടുണ്ട്. കൊച്ചി പുറംകടലിൽ കപ്പൽ മറിഞ്ഞതിനു പിന്നാലെ രണ്ടാഴ്ചയ്ക്കിടെ ഉണ്ടാവുന്ന രണ്ടാമത്തെ അപകടമാണിത്.