മലപ്പുറം കുറ്റിപ്പുറത്ത് അമിതവേഗത്തിലെത്തിയ കാർ ഓട്ടോയിൽ ഇടിച്ച് യുവാവ് മരിച്ചു

മലപ്പുറം: കുറ്റിപ്പുറത്ത് നിരവധി കേസുകളിലെ പ്രതി അമിത വേഗതയിൽ ഓടിച്ച കാർ ഓട്ടോറിക്ഷയിൽ ഇടിച്ചതിനെ തുടർന്ന് യുവാവിന് ദാരുണാന്ത്യം. മലപ്പുറം തവനൂർ വെള്ളാഞ്ചേരി സ്വദേശി കണ്ണംകുളങ്ങര അഹമ്മദിന്‍റെ മകൻ ഷുക്കൂർ (47) ആണ് മരിച്ചത്. ഇന്ന് ഉച്ചക്ക് 1.45 ഓടെ തിരൂർ – കുറ്റിപ്പുറം റോഡിൽ മഞ്ചാടിയിലാണ് അപകടം.