മൺസൂൺ കേരളത്തിൽ; ജൂൺ 1ന് തന്നെ കാലവർഷം എത്തുന്നത് ഏഴ് വർഷത്തിന് ശേഷം

അറബിക്കടലിൽ ന്യൂനമർദ്ദം രൂപപ്പെട്ടതോടെയാണ് മൺസൂൺ ജൂൺ 1 ന് തന്നെ എത്താൻ സഹായിച്ചത്. ജൂൺ 5 ന് മൺസൂൺ എത്തുമെന്നായിരുന്നു ആദ്യ പ്രവചനം. ആദ്യ ദിവസം തന്നെ കേരളം മുഴുവൻ മഴ വ്യാപിച്ചു. ആദ്യ ദിവസങ്ങളിൽ തെക്കൻ ജില്ലകളിലാകും സാധാരണ മൺസൂൺ മഴ ലഭിക്കാറുള്ളത്. തുടർന്ന് വടക്കൻ ജില്ലകളിൽ മഴ വ്യാപിക്കാറാണ് പതിവ്. എന്നാൽ മഴ ആദ്യ ദിവസം കേരളം മുഴുവൻ വ്യാപിച്ചു.

ബംഗാൾ ഉൾക്കടലിൽ രൂപപ്പെട്ട ന്യൂനമർദ്ദം തീവ്ര ന്യൂനർമർദ്ദമായി. വരും മണിക്കൂറിൽ അതിതീവ്ര ന്യൂനർദ്ദമായി മാറിയേക്കും. നാളെ ചുഴലിക്കാറ്റ് രൂപപ്പെടുമെന്നും മുന്നറിയിപ്പുണ്ട്. ചുഴലിക്കാറ്റ് രൂപപ്പെട്ടാൽ അറബിക്കടലിലെ സീസണിലെ ആദ്യ ചുഴലിക്കാറ്റായ് മാറും. നിസർഗ എന്നാണ് ചുഴലിക്കാറ്റിന് പേര് നൽകുക. ചുഴലിക്കാറ്റ് രൂപപ്പെട്ടാൽ വടക്ക് കിഴക്ക് ദിശയിൽ സഞ്ചരിച്ച് ജൂൺ 3 ന് മഹാരാഷ്ട്ര തീരത്ത് പ്രവശിക്കുമെന്നാണ് മുന്നറിയിപ്പ്.