നിയമസഭാ തെരഞ്ഞെടുപ്പിന് ഇനിയും മാസങ്ങൾ; വടകര സീറ്റ് ചോദിച്ച് എൽഡിഎഫ് ഘടക കക്ഷികള്‍

എന്നാല്‍ മനയത്ത് ചന്ദ്രന്‍റെ അവകാശവാദം അനവസരത്തിലാണെന്നാണ് ജെഡിഎസിന്‍റെ പ്രതികരണം. വടകര ജെഡിഎസിന്‍റെ സീറ്റാണ്. അത് വിട്ടുകൊടുക്കേണ്ട സാഹചര്യം ഇപ്പോഴില്ല. തദ്ദേശതെരഞ്ഞെടുപ്പില്‍ എല്‍ജെഡിയോളം സ്വാധീനം ജെഡിഎസിനും ഉണ്ടായിരുന്നുവെന്ന് ജില്ലാ പ്രസിഡന്റ് കെ ലോഹ്യ പറഞ്ഞു.

വടകര ബ്ലോക്ക്, ഒഞ്ചിയം മേഖലയിലെ ജില്ലാ പഞ്ചായത്ത് ഡിവിഷനുകള്‍ എന്നിവയിലെ ജയം മുന്‍നിര്‍ത്തിയാണ് എല്‍ജെഡിയുടെ അവകാശവാദമെങ്കിലും സോഷ്യലിസ്റ്റുകളുടെ ശക്തിദുര്‍ഗമെന്നറിയപ്പെടുന്ന ഏറാമലയിലെ ഭരണനഷ്ടം എല്‍ജെഡിക്ക് തിരിച്ചടിയാണ്. ഒഞ്ചിയ്തത്തും ഭരണം പിടിക്കാനായില്ല. എല്‍ജെഡിയുടെ മുന്നണി പ്രവേശനം മേഖലയില്‍ കാര്യമായ ഗുണം ചെയ്തില്ലെന്ന അഭിപ്രായം സിപിഎമ്മിലുണ്ട്. ഏറാമലയില്‍ എല്‍ജെഡിയുടെ വോട്ട് എവിടെ പോയെന്ന് മനയത്ത് ചന്ദ്രന്‍ പറയണമെന്ന് കെ ലോഹ്യയും ആവശ്യപ്പെടുന്നു. ഒപ്പം ജെഡിഎസ് സ്ഥാനാര്‍ഥികളുള്ളിടത്ത് എല്‍ജെഡി വോട്ട് മറിച്ചെന്നും പരാതിയുമുണ്ട്.