അഞ്ചുവർഷം മുമ്പ് യുഡിഎഫിന് കുറഞ്ഞ വോട്ടുകൾക്ക് നഷ്ടമായ ഈ 30 മണ്ഡലങ്ങൾ തിരിച്ചു പിടിക്കാൻ കഴിയുമോ?

തിരുവനന്തപുരം: നൂറിലേറെ സീറ്റ് നേടി ഇത്തവണ അധികാരത്തിൽ വരുമെന്നാണ് പ്രതിപക്ഷ നേതാവ് വി ഡി സതീശൻ ആവർ‌ത്തിക്കുന്നത്. നിലവിൽ 42 അംഗങ്ങള്‍ മാത്രമുള്ള യുഡിഎഫിന് ഭരണത്തിലെത്താനുള്ള 71 എന്ന മാന്ത്രിക സംഖ്യയിലെത്താൻ നിലവിലുള്ള സീറ്റുകൾ നിലനിർത്തുന്നതിനൊപ്പം മുപ്പതോളം സീറ്റുകൾ കൂടി അധികമായി നേടേണ്ടതുണ്ട്. ഭരണം പിടിക്കാൻ യുഡിഎഫ് അധികമായി ലക്ഷ്യമിടുന്നത് 30 മണ്ഡലങ്ങളാണ്. 2021ലെ നിയമസഭാ തിരഞ്ഞെടുപ്പിൽ‌ കുറഞ്ഞ വോട്ടുകൾക്ക് കൈവിട്ട ഇടങ്ങളാണിത്.