'പാകിസ്താനിലെ ന്യൂനപക്ഷങ്ങളുടെ അനുഭവം തന്നെ ഇന്ത്യയിലും' ദീപികയുടെ എഡിറ്റോറിയൽ; പള്ളികളിൽ ഇടയലേഖനം

ഛത്തീസ്ഗഢില്‍ മലയാളി കന്യാസ്ത്രീകളായ പ്രീതി മേരിയെയും വന്ദന ഫ്രാൻസിസിനെയും അറസ്റ്റ് ചെയ്ത് ജയിലിലടച്ച സംഭവത്തില്‍ രൂക്ഷവിമർശനവുമായി കത്തോലിക്ക സഭയുടെ മുഖപത്രമായ ദീപിക മുഖപ്രസംഗം. പാക്കിസ്ഥാനിലെ ഹിന്ദു-ക്രിസ്ത‌്യൻ ന്യൂനപക്ഷങ്ങൾ അനുഭവിക്കുന്നതിനു സമാനമായ സ്ഥിതിവിശേഷമാണ് ഇന്ത്യയിലെ ന്യൂനപക്ഷങ്ങൾ തീവ്രഹിന്ദുത്വ സംഘടനകളിൽനിന്ന് നേരിടുന്നതെന്നും മതത്തിൻ്റെ പേരിൽ ഇതര മതസ്ഥരായ പൗരന്മാരെ കാശ്മീരിൽ ആക്രമിച്ചവരെ അതിർത്തി കടന്ന് നേരിട്ട രാജ്യം, അതിർത്തിക്കുള്ളിലെ വർഗീയവാദികൾക്കു മുന്നിൽ പത്മാസനത്തിലിരിക്കുകായാണെന്നും  മുഖപത്രം വിമർശിക്കുന്നു.

അറസ്റ്റിനെതെരെ പള്ളികളില്‍ ഇടയലേഖനവും വായിച്ചു. അറസ്റ്റില്‍ പ്രതിഷേധം തുടരുമെന്നും ജാമ്യം ലഭിച്ചെങ്കിലും നിയമക്കുരുക്കിൽപ്പെട്ട കന്യാസ്ത്രീകളുടെ അവസ്ഥ പ്രതിഷേധാര്‍ഹമാണെന്നും ഇടയലേഖനത്തില്‍ പറയുന്നു.കേന്ദ്ര സര്‍ക്കാരിന്റെ ഭാഗത്ത് നിന്നുള്ള കൃത്യമായ ഇടപെടലുണ്ടായില്ലെന്നും ഇത് പ്രതിഷേധാര്‍ഹമാണെന്നും ഇരിങ്ങാലക്കുട രൂപതയുടെ പള്ളികളില്‍ വായിച്ച ഇടയലേഖനത്തില്‍ പറയുന്നു.

SUMMERY; Deepika, the mouthpiece of kerala catholic chuch in a scathing attack against union government following the arrest and release of two Malayali nuns in Chattisgarh and states the minorities in India suffer the same plight as of minorities in Pakistan in its editorial on August 3, Sunday a day after their release from 9 day prison