അണക്കെട്ടുകള്‍ തുറക്കുമ്പോൾ, വേലിയേറ്റ, വേലിയിറക്ക സാഹചര്യം കൂടി പരിഗണിക്കണമെന്ന് നിര്‍ദേശിച്ചു മുഖ്യമന്ത്രി

തിരുവനന്തപുരം: കനത്ത മഴ പെയ്യാൻ സാധ്യതയുണ്ടെന്ന മുന്നറിയിപ്പിനെത്തുടർന്ന് കൂടുതൽ ജാഗ്രതയോടെ ഇടപെടാൻ സർക്കാർ ശ്രമം. ഇതിന്‍റെ ഭാഗമായി അണക്കെട്ടുകൾ തുറക്കുന്നത് വേലിയേറ്റ, വേലിയിറക്ക സാഹചര്യം കൂടി പരിഗണിച്ചുവേണമെന്ന് മുഖ്യമന്ത്രി നിർദേശിച്ചു. ഫേസ്ബുക്ക് പോസ്റ്റിലൂടെയാണ് മുഖ്യമന്ത്രി ഇക്കാര്യം നിദേശിച്ചത്. കേരളത്തിൽ കനത്ത നാശം വിതച്ച പ്രളയ സമയത്ത് അണക്കെട്ടുകൾ തുറന്നത് വേണ്ടത്ര ജാഗ്രതയില്ലാതെയാണെന്ന വിമർശനം ഉയർന്നിരുന്നു.