കളക്ടർ ബ്രോയ്ക്ക് 'അപൂർവ' രോഗം; ചികിത്സയിൽ കഴിയുന്ന ചിത്രം പുറത്ത്

'അക്യൂട്ട് സെൻസറി ന്യൂറൽ ഹിയറിംഗ് ലോസ്' എന്ന രോഗമാണ് തനിക്കെന്ന് കളക്ടർ കുറിച്ചു. 'നേരത്തെ കണ്ടുപിടിച്ചതിനാൽ ആശങ്കപ്പെടാനില്ല. ഇതുവരെ നിരവധി പരിശോധനകളും എംആർഐ സ്കാനിംഗും കഴിഞ്ഞു. മരുന്നുകളോട് നന്നായി പ്രതികരിക്കുന്നുണ്ട്. ജീവിതം എല്ലാ ദിവസവും എന്തെങ്കിലും പുതുമ സമ്മാനിക്കുന്നുണ്ട്. മനുഷ്യനാണെന്ന് തിരിച്ചറിയുന്നു. ആരോഗ്യപരമായ വെല്ലുവിളി നേരിടുമ്പോൾ നിങ്ങളുടെ ഉത്തരവാദിത്വങ്ങൾ നിങ്ങളെ തുറിച്ചുനോക്കും '- അദ്ദേഹം ഇൻസ്റ്റാഗ്രാമിൽ കുറിച്ചു.

മകൾ അമ്മുവാണ് തന്റെ ചിത്രമെടുത്തതെന്നും പ്രശാന്ത് നായർ പറയുന്നു. അയ്യോ പാവം എന്ന നിലയിലുള്ള രോഗിയുടെ മുഖഭാവം ചിത്രത്തിൽ കിട്ടിയിട്ടുണ്ടെന്നും മകളുടെ ഫോട്ടോഗ്രഫി നന്നായി വരുന്നതിൽ സന്തോഷമുണ്ട്. ഫോട്ടോഗ്രാഫർ തീർച്ചയായും അഭിനന്ദനം അർഹിക്കുന്നു- കളക്ടർ ബ്രോ കുറിച്ചു.