Assembly Election 2021 | വട്ടിയൂർക്കാവിൽ വീണ എസ് നായർ, കുണ്ടറയിൽ വിഷ്ണുനാഥ്; ധർമടം ഒഴികെയുള്ള സീറ്റുകളിൽ സ്ഥാനാർഥികളെ പ്രഖ്യാപിച്ച് കോൺഗ്രസ്

തിരുവനന്തപുരം: നിയമസഭാ തെരഞ്ഞെടുപ്പിൽ ആറ് സീറ്റുകളിലേക്ക് കൂടി കോണ്‍ഗ്രസ് സ്ഥാനാര്‍ഥികളെ പ്രഖ്യാപിച്ചു. കല്‍പ്പറ്റയില്‍ കോഴിക്കോട് ഡിസിസി പ്രസിഡന്റ് ടി സിദ്ധിക്കും വട്ടിയൂര്‍ക്കാവില്‍ യൂത്ത് കോണ്‍ഗ്രസ് സംസ്ഥാന നേതാവ് വീണ എസ് നായരും കുണ്ടറയിൽ പി.സി വിഷ്ണുനാഥും  മത്സരിക്കും. തവനൂരില്‍ മന്ത്രി കെ.ടി ജലീലിനെതിരെ ജീവകാരുണ്യ പ്രവര്‍ത്തകന്‍ ഫിറോസ് കുന്നംപറമ്പിലാണ് സ്ഥാനാർഥി. പട്ടാമ്പിയില്‍ റിയാസ് മുക്കോളിയും നിലമ്പൂരില്‍ വിവി പ്രകാശുമാണ്  സ്ഥാനാർഥികൾ. ധർമടത്ത് മുഖ്യമന്ത്രിക്കെതിരെ വാളയാർ പെൺകുട്ടികളുടെ അമ്മ മത്സരിക്കുമെന്നു പ്രഖ്യാച്ച സാഹചര്യത്തിൽ അവരെ കോൺഗ്രസ് പിന്തുണച്ചേക്കും.