Covid 19 | മുഖ്യമന്ത്രിയുടേത് കോവിഡ് പ്രോട്ടോകോൾ ലംഘനമെന്ന് കേന്ദ്രസഹമന്ത്രി വി മുരളീധരൻ

ന്യൂഡൽഹി: മുഖ്യമന്ത്രി പിണറായി വിജയൻ കോവിഡ് പ്രോട്ടോകോൾ ലംഘനം നടത്തിയെന്ന ആരോപണവുമായി കേന്ദ്ര വിദേശകാര്യ സഹമന്ത്രി വി മുരളീധരൻ രംഗത്തെത്തി. കോവിഡ് പോസിറ്റീവായ മകൾ താമസിച്ച വീട്ടിൽനിന്ന് നിരവധി പേരെ കൂട്ടി പ്രകടനമായി മുഖ്യമന്ത്രി വോട്ട് ചെയ്യാനെത്തിയെന്നാണ് മുരളീധരൻ ആരോപിക്കുന്നത്. മുഖ്യമന്ത്രിയുടെ കോവിഡ് പരിശോധനയും വിവാദത്തിലായിട്ടുണ്ട്. പോസിറ്റീവായി പത്ത് ദിവസത്തിന് ശേഷമാണ് പരിശോധന നടത്തേണ്ടത്. മുഖ്യമന്ത്രിയുടെ പരിശോധന നടത്തിയത് ഏഴാം ദിവസത്തിൽ ആണ്. എന്നാൽ രോഗ ബാധ ഏപ്രിൽ നാല് മുതൽ ഉണ്ടെന്ന് മെഡിക്കൽ കോളജ് പ്രിൻസിപ്പൽ. ഏപ്രിൽ നാല് കണക്കാക്കിയാണ് പരിശോധന നടത്തിയതെന്നും മെഡിക്കൽ കോളേജ് പ്രിൻസിപ്പൽ വ്യക്തമാക്കുന്നു.