തമ്മിലടി; സിപിഎം ചാരുംമൂട് ഏരിയ കമ്മിറ്റി പിരിച്ചുവിട്ടു

ആലപ്പുഴയിൽ സിപിഎമ്മിന്റെ ശക്തികേന്ദ്രമായ ചാരുംമൂട് ഏരിയ കമ്മിറ്റി തെരഞ്ഞെടുപ്പുമായി ബന്ധപ്പെട്ട പ്രശ്നങ്ങളാണ് ഒടുവിൽ സംസ്ഥാന സെക്രട്ടറി നേരിട്ടെത്തി കമ്മിറ്റി തന്നെ പിരിച്ചുവിടുന്ന സ്ഥിതിയിലെത്തിയത്. സജിചെറിയാൻ ജില്ലാ സെക്രട്ടറി ആയിരിക്കെ സംഘടനാ വിരുദ്ധമായി ഇടപെട്ടുകൊണ്ട് 15അംഗ താത്കാലിക കമ്മിറ്റിയെ നിയമിച്ചു എന്നതായിരുന്നു വിമർശനം. ഇതേ തുടർന്ന് കഴിഞ്ഞ ഡിവൈഎഫ്ഐ, എസ്എഫ്ഐ സമ്മേളനങ്ങളിൽ നിന്നും 36 പേർ ഇറങ്ങിപ്പോയിരുന്നു. കൂടുതൽ പേർ പാർട്ടി വിട്ടുപോകുമെന്ന സാഹചര്യം വന്നപ്പോഴാണ് പ്രശ്ന പരിഹാരത്തിനായി കോടിയേരി തന്നെ നേരിട്ടെത്തിയത്.