സിപിഎം നേതാവ് ചിന്താ ജെറോമിനെ യൂത്ത് കോൺഗ്രസ് പ്രവർത്തകര്‍ ആക്രമിക്കാന്‍ ശ്രമിച്ചെന്ന് പരാതി

സിപിഎം സംസ്ഥാന കമ്മിറ്റിയംഗം ചിന്താ ജെറോമിനെ ആക്രമിക്കാൻ ശ്രമിച്ചെന്ന് പരാതി. കൊല്ലം തിരുമുല്ലാവാരം ബീച്ചിൽ വച്ചാണ് യൂത്ത് കോൺഗ്രസ് പ്രവർത്തകരുടെ വാഹനം ചിന്തയെ ഇടിച്ചത്. പരിക്കേറ്റ ചിന്തയെ കൊല്ലം എൻഎസ് സഹകരണ ആശുപത്രിയിൽ പ്രവേശിപ്പിച്ചു. ന്യൂസ് 18 കേരളത്തിൻ്റെ തെരഞ്ഞെടുപ്പ് ചർച്ച ഗോദ കഴിഞ്ഞ് അമ്മയുമൊത്ത് മടങ്ങുമ്പോഴായിരുന്നു സംഭവം. യൂത്ത് കോൺഗ്രസ് പ്രവർത്തകരുടെ വാഹനം ഇടിച്ചെന്ന് കാട്ടി ചിന്താ ജെറോം പോലീസില്‍ പരാതി നല്‍കി.