ഒരു വോട്ടിന് എന്തു വിലയുണ്ട്? വയനാട്ടിലെ രണ്ടു സ്ഥാനാർഥികൾ പറയും

കൽപ്പറ്റ: തദ്ദേശ തിരഞ്ഞെടുപ്പ് ഫലപ്രഖ്യാപനത്തിൽ കൗതുകമുണർത്തി വയനാട് ജില്ലയിലെ വെള്ളമുണ്ട പഞ്ചായത്തിലെ കരിങ്ങാരി വാർഡ്. മത്സരരംഗത്തുണ്ടായിരുന്ന മൂന്ന് സ്ഥാനാർഥികൾക്കും ലഭിച്ച വോട്ടുകൾ തമ്മിൽ ഒരോ വോട്ടിന്റെ മാത്രം വ്യത്യാസമാണുള്ളതെന്നതാണ് ഈ വാർഡിനെ ശ്രദ്ധേയമാക്കിയത്. അക്ഷരാർത്ഥത്തിൽ ഇഞ്ചോടിഞ്ച് പോരാട്ടം എന്ന് വിശേഷിപ്പിക്കാവുന്ന മത്സരമായിരുന്നു കരിങ്ങാരി വാർഡിൽ നടന്നത്. ഒരു വോട്ടിന്റെ നേരിയ ഭൂരിപക്ഷത്തിൽ സി.പി.എം. സ്ഥാനാർഥിയായ ഉണ്ണാച്ചി മൊയ്തുവിനായിരുന്നു വിജയം.