പതിനൊന്നു മക്കളും നാലു ബന്ധുക്കളും; കേരളനിയമസഭയിലെ ഫാമിലി ക്ലബിലേക്ക്‌ ഒരാൾ കൂടി

നിലമ്പൂരിൽ നിന്ന് ജയിച്ച കോൺഗ്രസ് അംഗം ആര്യാടൻ ഷൗക്കത്ത് നിയമസഭയിലെത്തുമ്പോൾ അദ്ദേഹം ഈ സഭയുടെ മക്കൾ പെരുമയിൽ പതിനൊന്നാമനാകും. കൂടാതെ ഭാര്യ, ഭർത്താവ്, സഹോദരൻ, മരുമകൻ എന്നിങ്ങനെ മുൻ അംഗങ്ങളുടെ നാല് അടുത്ത ബന്ധുക്കളും ഈ സഭയിലുണ്ട്. മക്കളിൽ 6 പേർ എൽഡിഎഫിലും 5 പേർ യുഡിഎഫിലുമാണെങ്കിൽ അടുത്ത ബന്ധുക്കളിൽ മൂന്ന് പേർ എൽഡിഎഫിലും ഒരാൾ യു ഡിഎഫിലുമാണ്. ഇവരിൽ മൂന്ന് പേർ ഈ നിയമസഭയുടെ കാലത്ത് നടന്ന ഉപതെരഞ്ഞെടുപ്പിലാണ് ആദ്യമായി സഭയിലെത്തുന്നത്.