14 ജില്ലകളിൽ 1381 വാഹനങ്ങളുടെ ലേലം; ഇന്നോവയും ഥാറും ഉൾപ്പെടെ പുത്തൻ വണ്ടികൾ എങ്ങനെ സ്വന്തമാക്കാം?

തിരുവനന്തപുരം: അബ്കാരി കേസുകളിലും മയക്കുമരുന്നു കേസുകളിലും പിടിച്ച വാഹനങ്ങൾ എക്സൈസ് വകുപ്പ് ലേലത്തിൽ വെക്കുന്നു. കേസുകളിൽ പിടിച്ചെടുത്ത 1381 വാഹനങ്ങളാണ് ലേലത്തിൽ വയ്ക്കുന്നത്. ആഡംബര വാഹനങ്ങളും ഇരുചക്രവാഹനങ്ങളും അടക്കം വാഹനങ്ങൾ ഇക്കൂട്ടത്തിലുണ്ട്. ടൊയോട്ട ഇന്നോവ, മഹീന്ദ്ര ഥാർ ഉൾപ്പെടെയുള്ള വാഹനങ്ങൾ എക്‌സൈസിന്റെ കൈവശമുണ്ട്. സ്ഥിരം നമ്പർപോലും ലഭിക്കാത്ത പുത്തൻവാഹനങ്ങൾ ഉൾപ്പെടെ ലേലത്തിനെത്തും.