മുള്ളൻപന്നിയെ തല്ലിക്കൊന്ന പഞ്ചായത്ത് പ്രസിഡൻ്റ് വെള്ളനാട് ശശിക്കെതിരെ കേസെടുത്തു

തിരുവനന്തപുരം: വെള്ളനാട് പഞ്ചായത്ത് പ്രസിഡന്റും സി.പി.എം നേതാവുമായ വെള്ളനാട് ശശി വീണ്ടും നിയമക്കുരുക്കിൽ. വീട്ടിനുള്ളിൽ കയറിയ മുള്ളൻപന്നിയെ അടിച്ചുകൊന്ന സംഭവത്തിലാണ് വനംവകുപ്പ് ശശിക്കെതിരെ കേസെടുത്തത്. അറസ്റ്റ് ചെയ്യാനായി വനംവകുപ്പ് ഉദ്യോഗസ്ഥർ പഞ്ചായത്ത് ഓഫീസിലും അദ്ദേഹം പങ്കെടുക്കേണ്ട പൊതുപരിപാടിയിലും എത്തിയെങ്കിലും ശശി ഒളിവിൽ പോയതായാണ് വിവരം.