ഉടൻ ബിജെപിയിൽ ചേരുമെന്ന് സിപിഎം മുൻ എംഎൽഎ എസ്. രാജേന്ദ്രൻ
- Published by:meera_57
- news18-malayalam
Last Updated:
ബി.ജെ.പി. സംസ്ഥാനാധ്യക്ഷൻ രാജീവ് ചന്ദ്രശേഖറുമായി കൂടിക്കാഴ്ച നടത്തിയെന്നും രാജേന്ദ്രൻ
ഇടതു സഹയാത്രികൻ റെജി ലൂക്കോസ് (Reji Lukose) ബി.ജെ.പിയിൽ (BJP) ചേർന്നതിന് തൊട്ടുപിന്നാലെ മുൻ ഇടത് എം.എൽ.എ. എസ്. രാജേന്ദ്രൻ ബി.ജെ.പിയിൽ ചേരുന്നതായി പ്രഖ്യാപനം. മൂന്നാറിൽ നടക്കുന്ന ചടങ്ങിൽ അദ്ദേഹം പാർട്ടിയിൽ ചേരും എന്ന് മനോരമ ഓൺലൈൻ റിപ്പോർട്ട് ചെയ്യുന്നു. ബി.ജെ.പി. സംസ്ഥാനാധ്യക്ഷൻ രാജീവ് ചന്ദ്രശേഖറുമായി കൂടിക്കാഴ്ച നടത്തിയെന്നും രാജേന്ദ്രൻ. കഴിഞ്ഞ കുറച്ചു കാലമായി പാർട്ടിയുമായി ഇടഞ്ഞു നിൽക്കുന്ന രാജേന്ദ്രൻ, 2021ലെ അസംബ്ലി തെരഞ്ഞെടുപ്പിൽ എൽ.ഡി.എഫ്. സ്ഥാനാർഥി എ. രാജയെ തോൽപ്പിക്കാൻ ശ്രമം നടത്തിയെന്ന പേരിൽ സസ്പെൻഷൻ നടപടി നേരിട്ടിരുന്നു.
ദേവികുളം നിയോജകമണ്ഡലത്തിൽ നിന്ന് 2006, 2011, 2016 വർഷങ്ങളിൽ മൂന്ന് തവണ വിജയിച്ച മുൻ എംഎൽഎയെ ഒരു വർഷത്തേക്ക് സസ്പെൻഡ് ചെയ്തിരുന്നു. മൂന്നാറിലെ തമിഴ് വോട്ടർമാർക്കിടയിലെ ശക്തമായ സാന്നിധ്യമാണ് രാജേന്ദ്രൻ.
ബിജെപിയിലേക്ക് രാജേന്ദ്രൻ കൂറുമാറിയേക്കുമെന്ന അഭ്യൂഹങ്ങൾക്കിടെ, രണ്ടു വർഷം മുൻപ് ജില്ലാ നേതൃത്വം അംഗത്വ പുതുക്കൽ ഫോം അദ്ദേഹത്തിന് എത്തിച്ചു നൽകിയതായി പാർട്ടി വൃത്തങ്ങളിൽ നിന്നുള്ള റിപോർട്ടുണ്ട്. എന്നാൽ, അദ്ദേഹം അംഗത്വം പുതുക്കാൻ വിസമ്മതിച്ചു. അതിനു മുൻപായി,സിപിഎം ഇടുക്കി ജില്ലാ സെക്രട്ടേറിയറ്റ് അംഗം കെ.വി. ശശി തന്റെ പാർട്ടിയിലേക്കുള്ള പുനഃപ്രവേശനത്തിന് തടസ്സമായി നിന്നതായി രാജേന്ദ്രൻ ആരോപിച്ചിരുന്നു.
advertisement
റെജി ലൂക്കോസിന്റെ ബി.ജെ.പി. പ്രവേശനം
കേരളത്തിൽ മാധ്യമ ചർച്ചകളിലെ പ്രമുഖ ഇടതുപക്ഷ മുഖമായിരുന്നു റെജി ലൂക്കോസ് ബിജെപിയിൽ ചേർന്നതും സി.പി.എം. സംസ്ഥാനത്ത് വർഗീയ ഭിന്നത സൃഷ്ടിക്കുന്നുവെന്ന് ആരോപിച്ചു. ബിജെപി സംസ്ഥാന ആസ്ഥാനത്ത് നടന്ന ചടങ്ങിൽ രാജീവ് ചന്ദ്രശേഖർ അദ്ദേഹത്തെ പാർട്ടിയിൽ ചേർത്തു.
“കഴിഞ്ഞ 35 വർഷമായി ഞാൻ സിപിഎമ്മിനൊപ്പമാണ്. കഴിഞ്ഞ ഒരു മാസത്തിനിടെ സി.പി.എമ്മിന്റെ പ്രത്യയശാസ്ത്ര വ്യതിയാനത്തിൽ എനിക്ക് വേദനയുണ്ട്,” അദ്ദേഹം തന്റെ അംഗത്വത്തിന് ശേഷം മാധ്യമങ്ങളോട് പറഞ്ഞു. “പാർട്ടി ഇപ്പോൾ സംസ്ഥാനത്ത് വർഗീയ ഭിന്നത സൃഷ്ടിക്കാൻ ശ്രമിക്കുകയാണ്. വർഗീയതയ്ക്കെതിരായ സിപിഎമ്മിന്റെ പോരാട്ടത്തിന്റെ പേരിൽ വർഷങ്ങളായി എന്നെപ്പോലുള്ള ആളുകൾ ആ പാർട്ടിക്കൊപ്പം നിന്നു. എന്നിരുന്നാലും, അടുത്തിടെ പാർട്ടി വർഗീയതയെ പിന്തുണയ്ക്കുന്നത് അസ്വസ്ഥത ഉണ്ടാക്കുന്നു,” റെജി ലൂക്കോസ് പറഞ്ഞു.
advertisement
ബിജെപിയുടെ 'വികസന അജണ്ട'യിൽ പ്രചോദിതനായിഎന്നും അദ്ദേഹം അവകാശപ്പെട്ടു.
"കാലഹരണപ്പെട്ട പ്രത്യയശാസ്ത്രവുമായി മുന്നോട്ട് പോയാൽ കേരളം ഉടൻ തന്നെ ഒരു വൃദ്ധസദനമായി മാറും," റെജി ലുക്കോസ് പറഞ്ഞു. "ഉത്തരേന്ത്യയിൽ സംഭവിച്ച വികസനം എന്നെ അത്ഭുതപ്പെടുത്തി. ഇനി മുതൽ ഞാൻ ബിജെപിയുടെ ശബ്ദമായിരിക്കും."
മുൻ അന്താരാഷ്ട്ര ലേഖകനായ ലൂക്കോസ്, കഴിഞ്ഞ 10 വർഷമായി മാധ്യമ ചർച്ചകളിൽ സിപിഎമ്മിന്റെ മുഖമായിരുന്നു.
Summary: Shortly after his left ideologist and media spokesperson Reji Lukose joined the BJP, former LDF MLA S. Rajendran announced his joining the BJP. He will join the party at a function in Munnar, Manorama Online reports. Rajendran, who has been at loggerheads with the party for some time, is under suspension for trying to defeat LDF candidate A. Raja in the last election. Rajendran also said that he met BJP state president Rajeev Chandrasekhar.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Jan 10, 2026 11:20 AM IST
