ഹൈന്ദവധര്മ്മം ചവിട്ടി അരച്ചവര്ക്കെതിരെ തെരഞ്ഞെടുപ്പിൽ 'വജ്രായുധം' പ്രയോഗിക്കണമെന്ന് സെന്കുമാര്
Last Updated:
കോടികള് ചെലവിഴിച്ച് പണിഞ്ഞ പൊളിഞ്ഞ മതിലല്ല ഇത്. ജ്യോതിയാണ്. ഇത് തെരഞ്ഞെടുപ്പുകളില് തെളിയിക്കണമെന്നും സെന്കുമാര്
തിരുവനന്തപുരം: ഹൈന്ദവ ധര്മ്മത്തെ ചവിട്ടി അരച്ചവര്ക്കെതിരായി വരുന്ന തെരഞ്ഞെടുപ്പുകളില് നമ്മുടെ കൈയ്യിലുള്ള വജ്രായുധം പ്രയോഗിക്കണമെന്ന് മുന് ഡി.ജി.പി ടി.പി സെന്കുമാര്. പുത്തരിക്കണ്ടം മൈതാനത്ത് നടക്കുന്ന അയ്യപ്പ ഭക്ത സംഗമത്തെ അഭിസംബോധന ചെയ്ത് പ്രസംഗിക്കുകയായിരുന്നു അദ്ദേഹം.
കോടികള് ചെലവിഴിച്ച് പണിഞ്ഞ പൊളിഞ്ഞ മതിലല്ല ഇത്. ജ്യോതിയാണ്. ഇത് തെരഞ്ഞെടുപ്പുകളില് തെളിയിക്കണമെന്നും സെന്കുമാര് പറഞ്ഞു. ധര്മ്മത്തെ ചവിട്ടി അരച്ചവര്ക്കല്ല സംരക്ഷിച്ചവരെയാണ് സഹായിക്കേണ്ടത്. നമ്മുടെ കൈയ്യിലുള്ള വജ്രായുധം ജാതിമത ഭേദമന്യേ ഒപ്പം നിന്നവര്ക്ക് അനുകൂലമായി ഉപയോഗിക്കണമെന്നും സെന്കുമാര് ആവശ്യപ്പെട്ടു.
വിശ്വാസിയായി ആചാരം അനുഷ്ഠിച്ച ഒരു ഹൈന്ദവ വനിത പോലും ശബരിമലയില് പോയിട്ടില്ല. സവര്ണ അവര്ണ വാദങ്ങളിലൂടെ ഹൈന്ദവനെ വേര്തിരിക്കാന് ശ്രമം നടക്കുന്നുണ്ട്. പൊലീസിന്റെയും കോടതിയുടെയോ ഇടപെടല് ഇല്ലാതെ മത നേതാക്കള് ഒന്നോ രണ്ടോ മണിക്കൂര് ഇരുന്ന് ചര്ച്ച ചെയ്താല് തീരാവുന്നതേയുള്ള ഹൈന്ദവര്ക്കിടയിലുള്ള പ്രശ്നങ്ങളെന്നും അദ്ദേഹം പറഞ്ഞു.
advertisement
Also Read അയ്യപ്പ ഭക്ത സംഗമത്തിന് തുടക്കമായി
കുട്ടികളെ പഠിപ്പിക്കാന് അവസരമുണ്ടാക്കുകയാണ് വേണ്ടത്. സ്വയംരക്ഷിക്കാന് കവിയാത്തവനെ മറ്റാരെയും രക്ഷിക്കാനുണ്ടാകില്ല. ധര്മ്മ സംരക്ഷണത്തില് പരുക്കേറ്റവരും കള്ളക്കേസില് ഉള്പ്പെട്ടവരുമുണ്ട്. അവര്ക്കൊപ്പം ഞങ്ങള് എല്ലാവരുമുണ്ടെന്നും സെന്കുമാര് പറഞ്ഞു. പരിപാടിക്ക് എത്തിയില്ലെങ്കിലും ആര്ജവമുള്ള നട്ടെല്ലുള്ള നേതൃത്വമാണ് എന്.എസ്.എസ് ജനറല് സെക്രട്ടറി സുകുമാരന് നായരുടേതെന്നും സെന്കുമാര് പറഞ്ഞു.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
January 20, 2019 6:11 PM IST
മലയാളം വാർത്തകൾ/ വാർത്ത/Kerala/
ഹൈന്ദവധര്മ്മം ചവിട്ടി അരച്ചവര്ക്കെതിരെ തെരഞ്ഞെടുപ്പിൽ 'വജ്രായുധം' പ്രയോഗിക്കണമെന്ന് സെന്കുമാര്
