'രാഹുൽ മാങ്കൂട്ടത്തിൽ കോൺഗ്രസിന്റെ ക്യാൻസർ; മുറിച്ചു മാറ്റാനുള്ള ആർജവം നേതൃത്വം കാണിക്കണം';പി വി അൻവർ

രാഹുൽ മാങ്കൂട്ടത്തിൽ ഇന്ന് കോൺഗ്രസിനുണ്ടായ ക്യാൻസറാണെന്നും അത് മുറിച്ചു മാറ്റാനുള്ള ആർജ്ജവം നേതൃത്വം കാണിക്കണമെന്നും പി വി അൻവർ. കോൺഗ്രസ് രാഹുലിനെ രാജി വെപ്പിക്കണം.എന്തിനാണ് ഈ ക്യാൻസർ പേറുന്നത്. ആ നിലപാട് എടുത്താൽ ഗുണമാകും. ഇല്ലെങ്കിൽ തിരഞ്ഞെടുപ്പിൽ വൻ തിരിച്ചടിയുണ്ടാകുമെന്നും സിപിഎം ചെയ്തില്ലല്ലോ എന്നുള്ളത് നീതികരിക്കാവുന്ന മറുപടിയല്ലെന്നും അദ്ദേഹം പറഞ്ഞു.വോട്ട് ചോരി ചർച്ചയാകേണ്ട സമയത്താണ് ഡേർട്ടി പൊളിറ്റിക്സിൽ കറങ്ങുന്നതെന്നും അൻവർ കൂട്ടിച്ചേർത്തു.