പീഡനക്കേസ്: DYFI നേതാവിന്റെ മുന്‍കൂർ ജാമ്യം റദ്ദാക്കണമെന്ന് പരാതിക്കാരി

പീഡനക്കേസിലുൾപ്പെട്ട ഡിവൈഎഫ്ഐ ഇരിങ്ങാലക്കുട മണ്ഡലം ജോയിന്റ് സെക്രട്ടറി ജീവൻലാലിന് അനുവദിച്ച മുൻകൂർ ജാമ്യം റദ്ദാക്കണമെന്ന് ആവശ്യപ്പെട്ടാണ് സംഘടനയുടെ വനിതാ നേതാവ് കൂടിയായ യുവതി കോടതിയെ സമീപിച്ചിരിക്കുന്നത്.

എൻട്രൻസ് കോച്ചിംഗ് സെന്ററിൽ പ്രവേശനം വാങ്ങി നൽകാമെന്ന വ്യാജേന തിരുവനന്തപുരത്തേക്ക് കൂട്ടിക്കൊണ്ടു പോയി പീഡിപ്പിക്കാൻ ശ്രമിച്ചു എന്ന് കാട്ടിയാണ് യുവതി പരാതി നൽകിയിരുന്നത്. സംഭവത്തിൽ ജീവൻലാലിന് കോടതി മുൻകൂർ ജാമ്യം അനുവദിച്ചിരുന്നു. പരാതി ദുരുദ്ദേശ്യപരമാണെന്നും കേസിലേക്ക് അനാവശ്യമായി വലിച്ചിഴച്ചതാണ് എന്നും ആരോപിച്ച് ഇയാൾ നൽകിയ ഹർജി പരിഗണിച്ചായിരുന്നു മുന്‍കൂർ ജാമ്യം അനുവദിച്ചത്.