ആർഎസ്എസ് പരിപാടിയിൽ ആരോഗ്യമന്ത്രി; വിവാദം
Last Updated:
ന്യൂഡൽഹി: ആരോഗ്യമന്ത്രി കെ.കെ ശൈലജ ആർ.എസ്.എസ് സംഘടനയുടെ പരിപാടിയിൽ പങ്കെടുത്തത് വിവാദത്തിൽ. വിജ്ഞാൻ ഭാരതി അഹമ്മദാബാദിൽ നടത്തിയ വേൾഡ് ആയുർവേദിക് കോൺഗ്രസിന്റെ ഉദ്ഘാടന ചടങ്ങിൽ പങ്കെടുത്തതാണ് വിവാദത്തിൽ ആയത്. കേന്ദ്രത്തിലെയും ഗുജറാത്തിലെയും ആയുഷ് മന്ത്രാലയത്തിന്റെയും ആർ.എസ്.എസ് നിയന്ത്രണത്തിലുള്ള വേൾഡ് ആയുർവേദ ഫൗണ്ടേഷന്റെയും സഹകരണത്തോടെയാണ് വിജ്ഞാൻ ഭാരതി പരിപാടി നടത്തിയത്. ഇന്ത്യയിലെ മറ്റു സംസ്ഥാനങ്ങളിലെ ആരോഗ്യമന്ത്രിമാരെ ക്ഷണിച്ചിരുന്നെങ്കിലും ആരും പങ്കെടുത്തില്ല.
അതേസമയം, ആർഎസ്എസ് സംഘടനയുടെ പരിപാടിയിൽ പങ്കെടുത്തെന്ന വിവാദം അനാവശ്യമെന്ന് മന്ത്രി കെ.കെ. ശൈലജ പ്രതികരിച്ചു .കേന്ദ്ര സർക്കാരിന്റെ ക്ഷണം സ്വീകരിച്ചാണ് പരിപാടിയിൽ പങ്കെടുത്തത് സിസിആർഎയും ആയുഷ് ഡിപ്പാർട്ടുമെന്റുമായിരുന്നു സംഘാടകർ. ഡാബർ , കോട്ടയ്ക്കൽ അടക്കമുള്ളവർ സ്പോൺസർമാരായിരുന്നു. വിജ്ഞാൻ ഭാരതി സ്പോൺസർമാരിൽ ഒരു സ്ഥാപനം മാത്രമാണെന്നും കെ.കെ. ശൈലജ ഡൽഹിയിൽ പറഞ്ഞു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Dec 15, 2018 1:47 PM IST
