'കേരളത്തിൽ ബിജെപിയുടെ അടിത്തറ എങ്ങനെ വിപുലമാക്കാം?'; മോദിയുടെ മറുപടി ഇങ്ങനെ

പ്രധാനമന്ത്രി നരേന്ദ്ര മോദി വെള്ളിയാഴ്ച കേരളത്തിലെ പാർട്ടിപ്രവർത്തകരുമായി വീഡിയോ കോൺഫറൻസിലൂടെ ആശയവിനിമയം നടത്തി. 2019ലെ ലോക്സഭാ തെരഞ്ഞെടുപ്പിന് മുന്നോടിയായാണ് പ്രധാനമന്ത്രി പാർട്ടി പ്രവർത്തകരോട് സംവദിച്ചത്. തിരുവനന്തപുരം, കൊല്ലം, ആറ്റിങ്ങൽ, മാവേലിക്കര, പത്തനംതിട്ട ലോക്സഭാ മണ്ഡലങ്ങളിലെ പ്രവർത്തകരുമായിട്ടായിരുന്നു ആശയവിനിമയം നടത്തിയത്. ഇതിനിടെ കൊല്ലം ചാത്തന്നൂരിൽ നിന്നുള്ള ഗോപകുമാർ എന്ന പാർട്ടി പ്രവർത്തകനാണ് പ്രധാനമന്ത്രിയോട് ആ ചോദ്യം ചോദിച്ചത്. ലോക്സഭയിലേക്ക് ഒരു എംപി പോലുമില്ലാത്ത, നിയമസഭയിൽ ഒരംഗം മാത്രമുള്ള കേരളത്തിൽ ബിജെപിയുടെ അടിത്തറ എങ്ങനെ വിപുലമാക്കാം എന്നതായിരുന്നു ചോദ്യം.