ഇപി ജയരാജനോട് കെ സുരേന്ദ്രൻ: 'ഒരു തരത്തിലും ഭയപ്പെടേണ്ട; നിലപാടിൽ ഉറച്ചു നിൽക്കണം'

ഇപി ജയരാജൻ ഒരു തരത്തിലും ഭയപ്പെടേണ്ടെന്നും നിലപാടിൽ ഉറച്ചു നിൽക്കണമെന്നും ബിജെപി സംസ്ഥാന അധ്യക്ഷൻ കെ സുരേന്ദ്രൻ. സിപിഎം സമ്പൂർണ തകർച്ചയിലേക്ക് പോവുകയാണ്. അതിന്റെ തെളിവാണ് ഇപി ജയരാജൻ്റെ വെളിപ്പെടുത്തലുകൾ. അധികാരവും സമ്പത്തും ഒരു കുടുംബത്തിലേക്ക് കേന്ദ്രീകരിക്കുന്നുവെന്ന് ഇപി പറഞ്ഞുവെക്കുന്നു. പിണറായിയും കുടുംബവും സിപിഎമ്മിനെ ഹൈജാക്ക് ചെയ്തിരിക്കുന്നു. പിണറായി വിജയൻ്റെ കുടുംബാധിപത്യമാണ് പാർട്ടിയിൽ. മരുമകനിലേക്ക് അധികാര കൈമാറ്റം നടത്താനുള്ള വ്യഗ്രതയിലാണ് മുഖ്യമന്ത്രിയെന്നും കെ സുരേന്ദ്രൻ വിമർശിച്ചു.