തലശ്ശേരി ഹെറിറ്റേജ് റൺ സീസൺ-5, 2026 ജനുവരി 4-ന്
Last Updated:
തലശ്ശേരിയിലെ പൈതൃക കേന്ദ്രങ്ങളെ ബന്ധിപ്പിച്ച് നടത്തുന്ന ഹെറിറ്റേജ് റൺ സീസൺ-5 2026 ജനുവരി 4 ന്. സ്പീക്കർ എ.എൻ. ഷംസീറാണ് സംഘാടക സമിതി രക്ഷധികാരി.
തലശ്ശേരിയിലെ പൈതൃക കേന്ദ്രങ്ങളെ ബന്ധിപ്പിച്ച് നടത്തുന്ന ഹെറിറ്റേജ് റൺ സീസൺ-5 2026 ജനുവരി 4 ന് നടക്കും. കോസ്മോപൊളിറ്റൻ ക്ലബ്ബിൽ നടന്ന സംഘടക സമിതി രൂപീകരണ യോഗം സ്പീക്കർ അഡ്വ. എ.എൻ. ഷംസീർ ഉദ്ഘാടനം ചെയ്തു. ഡിഎംസി മാനേജർ ജിഷ്ണു ഹരിദാസൻ സ്വാഗതം പറഞ്ഞു.
ഡിടിപിസി സെക്രട്ടറി സൂരജ് പി.കെ. അധ്യക്ഷത പറഞ്ഞു. സ്പീക്കറുടെ അസിസ്റ്റൻ്റ് പ്രൈവറ്റ് സെക്രട്ടറി അർജുൻ എസ്.കെ. പരിപാടി വിശദീകരണം ചെയ്തു. തലശ്ശേരി സബ് കളക്ടർ ശ്രീ. കാർത്തിക് പാണിഗ്രഹി, നഗരസഭ ചെയർപേഴ്സൺ ജമുനാറാണി ടീച്ചർ എന്നിവർ ആശംസ അറിയിച്ചു. 101 അംഗ സംഘാടക സമിതിയും വിവിധ ഉപസമിതികളും രൂപവത്കരിച്ചു.
തലശ്ശേരി ഹെറിറ്റേജ് റൺ സീസൺ-5 സംഘാടക സമിതി രക്ഷധികാരിയായി സ്പീക്കർ എ.എൻ. ഷംസീറിനെയും, ചെയർമാനായി തലശ്ശേരി സബ് കളക്ടർ കാർത്തിക്ക് പാണിഗ്രഹിയെയും, ജനറൽ കൺവീനറായി ഡിടിപിസി സെക്രട്ടറി സൂരജ് പി.കെയും ഉൾപ്പെടുത്തി സമിതി രൂപവത്കരിച്ചു. തുടർന്ന് സ്പീക്കർ ഹെറിറ്റേജ് റൺ സീസൺ-5 ൻ്റെ സംഘടക സമിതി ഓഫീസ് ഉദ്ഘാടനവും, ടീ ഷർട്ട് പ്രകാശനവും നിർവഹിച്ചു. ഇത്തവണ ഹെറിറ്റേജ് റൺ 21 കിലോമീറ്റർ ആയിട്ടാണ് സംഘടിപ്പിക്കുന്നത്.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kannur,Kerala
First Published :
Dec 05, 2025 2:40 PM IST
